28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
2022 թ. առաջին եռամսյակում վերականգնվել է պետությանը հասցված 19 մլրդ դրամի վնաս. ՏԵՍԱՆՅՈՒԹ
Հասարակություն
03.05.2022 | 15:50
2021 թվականի ընթացքում Հայաստանում արձանագրվել է հանցագործության 30245 դեպք, նախորդ տարվա տվյալներից 14.3 տոկոսով ավելի է այս ցուցանիշը: Այս մասին ԱԺ ամբիոնից հայտնեց ՀՀ գլխավոր դատախազ Արթուր Դավթյանը:
Անդրադառնալով հանցագործությունների բացարձակ թվի աճի հիմնական պատճառներին՝ Դավթյանն առանձնացրեց երկուսը. «Առաջին՝ բազմաթիվ նոր, հատկապես ոչ մեծ կամ միջին ծանրության արարքների քրեականացում և երկրորդ՝ հանցագործությունների պաշտոնական գրանցման, բացահայտման աշխատանքների բարելավում»:
«Հաշվետու տարում գրանցված հանցագործության 30245 դեպքերի բացարձակ մեծամասնությունը կամ 84.1 տոկոսը կազմում են ոչ մեծ և միջին ծանրության, այսինքն՝ նվազ հանրային վտանգավորություն ունեցող հանցագործությունները:
Առանձնապես ծանր հանցագործություններն ընդհանուր հանցագործությունների զանգվածում կազմել են 1.2 տոկոս, իսկ ծանր հանցագործությունները՝ 14.7 տոկոս:
Այս ամենին զուգահեռ 2021 թվականին, Դավթյանի խոսքով, արձանագրվել է հանցագործությունների բացահայտման ցուցանիշի աճ:
2021 թվականին բացահայտման ցուցանիշը կազմել է 57.7 տոկոս՝ նախորդ տարվա 55.7 տոկոսի դիմաց»,- նշեցց Դավթյանը:
Գլխավոր դատախազը նաև տեղեկացրեց, որ 2022 թ. առաջին եռամսյակում վերականգնվել է պետությանը հասցված 19 մլրդ դրամի վնաս:
Մանրամասները՝ տեսանյութում:
