19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Լատվիայի պաշտպանության նախարարն այցելել է գրավյալ հայկական Շուշի
Քաղաքականություն
29.04.2022 | 22:08
Ադրբեջանում պաշտոնական այցով գտնվող Լատվիայի փոխվարչապետ, պաշտպանության նախարար Արտիս Պաբրիկսն այցելել է Արցախի գրավյալ հայկական Շուշի։ Այս մասին հայտնում են ադրբեջանական լրատվամիջոցները։
Նշվում է, որ այսօր Շուշիում բացվել է լատվիացի նկարչուհի Դացե Շտրաուսեի «Ղարաբաղյան ձիեր» ցուցահանդեսը, որին էլ մասնակցել է պաշտոնյան։
«Ես ուրախ եմ լինել այստեղ՝ ոչ միայն Շուշիում, այլև ցուցահանդեսին։ Ձիերը ընկերության, ազատության, իմաստության խորհրդանիշ են։ Սա ուղենշային ցուցահանդես է: Ես տեսել եմ մասշտաբային վերականգնողական աշխատանքները, որոնք իրականացվում են Շուշիում»,- ասել է Պաբրիկսը։
Հավելենք, որ ավելի վաղ Արտիս Պաբրիկսը հանդիպումներ է ունեցել Ադրբեջանի տարբեր պաշտոնյաների, այդ թվում՝ Ադրբեջանի ՊՆ ղեկավար Զաքիր Հասանովի հետ։ Երկու երկրների պաշտպանության նախարարները նաև ռազմական համագործակցության մասին համաձայնագիր էին ստորագրել։
Էմմա Չոբանյան
