26.11.2024 | 17:45
Տաք քննարկում է եղել, մեկ հարված Հակոբ Ասլանյանի կողմից է եղել. Ռուբեն Մելիքյան․ ՏԵՍԱՆՅՈՒԹ
ԱՄՆ-ն Ռուսաստանից հետո դարձել է Թուրքիա բնական գազի երկրորդ խոշոր մատակարարը
Քաղաքականություն
27.04.2022 | 23:38
ԱՄՆ-ը դարձել է Թուրքիա բնական գազի երկրորդ ամենախոշոր մատակարարը՝ Ռուսաստանից հետո։ Այս մասին գրել է լրագրող Դեյվիդ Օ՛Բայրնը, փոխանցում է «Ահվալ» գործակալությունը։
Թուրքիայի հիմնական էներգետիկ շուկայի կարգավորիչի համաձայն՝ ԱՄՆ-ն Թուրքիային հոկտեմբերից հունվար ընկած ժամանակահատվածում մատակարարել է գազի ներկրման 17,4 տոկոսը՝ առաջ անցնելով Ադրբեջանից՝ 12,9 տոկոս և Իրանից՝ 11,9 տոկոս։
«LNG հեղուկացված գազի շուկայում հսկայական վերաբաշխում է եղել։ Եվրոպան ավելի շատ գազ է ստանում ԱՄՆ-ից, և Թուրքիան դրա մի մասն է»,- ասել է Ստամբուլում տեղակայված IBS ընկերության ղեկավար Դեյվիդ Թոնգը։
Նա նշել է, որ վերաբաշխումը նշանակում է, որ Թուրքիայի համար LNG-ի նախկին հիմնական մատակարար Կատարը հիմա իր գազի մեծ մասը հարավային Ասիա և Հեռավոր Արևելք է ուղարկում։ Թոնգը նաև ասել է, որ ճշմարտությունից հեռու է, թե ԱՄՆ-ն այդ մատակարարումների համար աստղաբաշխական շահույթ ունի Թուրքիայում գազի գնի բարձրացումից հետո։
Թուրքական պետական Botas-ը գազը տենդերների միջոցով գնում է BP-ից, Shell-ից, Vitol-ից և Total-ից, որոնք երևարատև պայմանագրեր ունեն ԱՄՆ-ի և այլ երկրների հետ։ Ըստ նրա՝ այդ ընկերություններն են ավելի մեծ եկամուտներ ստանում, քան ԱՄՆ արտադրողները։
Օ՛Բայրնի կարծիքով՝ Թուրքիան, որը դժվարությամբ է սուբսիդավորում գազի գները, արագորեն կարող է LNG-ին այլընտրանք գտնել։
Էներգետիկ հարցերով վերլուծաբան Ջոն Ռոբերթսը նշել է, որ կան տարբեր եղանակներ՝ եղած խողովակաշարերով Թուրքիա ավելի շատ գազ բերելու LNG-ի փոխարեն։ Նա ասել է, որ խողովակաշարերի մեծ հնարավորություն կա՝ Թուրքիա բնական գազը բերելու Ադրբեջանից, Իրանից և Թուրքմենստանից։
Էմմա Չոբանյան
