30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Կիմ Չեն Ընը ներկայացրել է միջուկային զենքից հրաժարվելու պայմանները
Քաղաքականություն
29.04.2018 | 13:32
Հյուսիսային Կորեայի առաջնորդ Կիմ Չեն Ընը Հարավային Կորեայի նախագահ Մուն Չժե Ինի հետ հիրավի պատմական հանդիպման ժամանակ հայտարարել է, որ միջուկային զենքի կարիք չի լինի, եթե Միացյալ Նահանգների հետ պատերազմի դադարեցման մասին համաձայնագիր ձեռք բերվի. տեղեկացնում է gazeta.ru-ն՝ հղում անելով՝ Մուն Չժե Ինի վարչակազմի ներկայացուցչին:
«Եթե ԱՄՆ-ի հետ մեր հանդիպումները հաճախակի լինեն, և ապագայում փոխադարձ վստահություն հաստատվի, ինչպես նաև հասնենք անձեռնմխելիության և պատերազմի դադարեցման մասին համաձայնագրի ստորագրմանը, այդ դեպքում էլ ինչո՞ւ է պետք միջուկային զենքն ու ծանր պայմաններում ապրելը»,- ասել է Կիմ Չեն Ընը:
Հյուսիսկորեացի առաջնորդը նաև հավելել է, որ. «չնայած այն բանին, որ միշտ ընդդեմ ԱՄՆ-ի է հանդես եկել, սակայնմարդիկ կհասկանան, որ ինքն այն մարդը չէ, որ ԱՄՆ-ի վրա միջուկային զենք արձակեր»:
Ավելի վաղ Կիմ Չեն Ընը հայտարարել էր լրագրողների ներկայությամբ Պհունգերիում միջուկային փորձակայանը փակելու իր մտադրության մասին:
