Ֆրանսիան ԵՄ-ի հետ միասին լիովին աջակցում է Հայաստանի և Ադրբեջանի ղեկավարների վերջին ջանքերին և պատրաստ է աջակցություն ցուցաբերել երկու երկրների միջև հարաբերություններին

Գործընթացը լավատեսություն է ներշնչում, բայց խաղաղության պայմանագրին հասնելը բարդ է․ Ֆրանսիայի դեսպանը՝ Երևանի և Բաքվի հարաբերությունների մասինկարգավորման գործընթացին։ Այս մասին հայտարարել է Ադրբեջանում Ֆրանսիայի դեսպան Զաքարի Գրոսսը իր հոդվածում, որը ներկայացնում են ադրբեջանական լրատվամիջոցները։

«Կա իրական հնարավորություն, որ մոտ ապագայում Ադրբեջանի և Հայաստանի միջև կարող են բանակցություններ անցկացվել խաղաղության պայմանագրի շուրջ։ Դա քննարկվել է երկու երկրների առաջնորդների կողմից։ Նրանց միջև տեղի է ունեցել նամակների փոխանակում առանցքային սկզբունքների շուրջ։ Տեղի են ունեցել պաշտոնական շփումներ, քաղաքացիական հասարակության ներկայացուցիչները ևս հանդիպել են։ Այդ գործընթացը մեզ թույլ է տալիս զգուշավոր լավատեսություն դրսևորել»,- ասել է դեսպանը։

Նա նաև նշել է, որ, այնուամենայնիվ, հեշտ չի լինի հասնել խաղաղության պայմանագրի կնքմանը։

«Դրան հասնելը բարդ կլինի։ Լինելու են խոչընդոտներ։ Պաշտոնական Բաքուն ցանկանում է առաջընթաց տեսնել կոնկրետ հարցերում, ինչպիսիք են հաղորդակցությունների վերականգնումը, սահմանների սահմանազատումը, տարածքային ամբողջականության և ինքնիշխանության սկզբունքների ճանաչումը։ Հայաստանի պաշտոնյաները հոգ են տանում իրենց հիմնական շահերը հաշվի առնելու մասին, այդ թվում՝ Ղարաբաղի հայերի անվտանգությունն ու իրավունքները»,- ասել է Գրոսսը։

Նա ընդգծել է՝ կարևոր է, որ բոլոր բարի կամքի տեր մարդիկ Ադրբեջանում և Հայաստանում աջակցեն խաղաղ գործընթացին։

«Քաղաքացիական հասարակությունն այստեղ կարող է կարևոր դերակատարում ունենալ։ Գիտնականները, վերլուծական կենտրոնները, արվեստագետները, գրողները, դերասանները, գործարարները, հասարակ քաղաքացիները՝ բոլորը կարող են խթանել այս գործընթացը՝ հանդես գալով խաղաղության օգտին: Կանայք հատկապես կարևոր և միջազգայնորեն ճանաչված դեր են խաղում խաղաղության կառուցման գործում»,- նշել է Ֆրանսիայի դեսպանը։

Էմմա Չոբանյան