16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Թուրքիան փորձում է ՆԱՏՕ-ի իր դաշնակիցներին հեռու պահել Սև ծովից․ Հուլուսի Աքար
Քաղաքականություն
25.04.2022 | 17:01
Թուրքիան փորձում է ՆԱՏՕ-ի իր դաշնակիցներին հեռու պահել Սև ծովից։ ՌԻԱ Նովոստիի փոխանցմամբ՝ այս մասին հայտարարել է Թուրքիայի պաշտպանության նախարար Հուլուսի Աքարը։
«ՆԱՏՕ-ի դաշնակիցների մուտքն ու ելքը Սև ծով կբարձրացնի զգայունությունը: Մենք առաջարկներ ունենք Սև ծովում կայունություն պահպանելու համար: Մեր կոչը՝ մի՛ հուզվեք, խուճապի մի՛ մատնվեք, մյուս կողմում կարող է խուճապ լինել։ Սխալ տեղեկատվությունը կարող է հանգեցնել թյուրըմբռնման»,- ասել է թուրք պաշտոնյան։
Հարցին՝ արդյո՞ք այժմ Սև ծովում կան այն երկրների նավեր, որոնք մուտք չունեն դեպի այն, Աքարը բացասաբար է պատասխանել։
Դեպի Սև ծով մուտք չունեցող պետություններին պատկանող նավերի առկայությունը ծովում կարգավորվում է 1936 թվականի Մոնտրոյի կոնվենցիայով: Կոնվենցիան առևտրային նավերի համար պահպանում է Բոսֆորի և Դարդանելի նեղուցներով անցնելու ազատությունը՝ ինչպես խաղաղ, այնպես էլ պատերազմի ժամանակ, սակայն ռեժիմները տարբեր են բոլորի համար:
Միևնույն ժամանակ, փաստաթուղթը սահմանափակում է ոչ սևծովյան երկրների ռազմանավերի գտնվելը Սև ծովում երեք շաբաթ ժամկետով։ Արտակարգ իրավիճակներում Թուրքիան իրավունք ունի արգելել կամ սահմանափակել ռազմանավերի անցումը նեղուցներով։
Տաթև Ֆռանգյան
