15.12.2025 | 13:49
Ուիթկոֆը հայտարարել է Բեռլինում Զելենսկիի հետ բանակցություններում «նշանակալի առաջընթացի» մասին
Եվրահանձնաժողովի և Եվրախորհրդի ղեկավարները շնորհավորել են Մակրոնին ընտրություններում հաղթանակի կապակցությամբ
24.04.2022 | 23:58
Եվրահանձնաժողովի և Եվրախորհրդի նախագահներ Ուրսուլա ֆոն դեր Լյայենը և Շառլ Միշելը կիրակի օրը շնորհավորել են Էմանուել Մակրոնին երկրի նախագահի ընտրություններում հաղթելու կապակցությամբ:
«Սիրելի Էմանուել Մակրոն, շնորհավորում եմ հանրապետության նախագահի պաշտոնում վերընտրվելու կապակցությամբ: Հուսով եմ, որ կշարունակենք մեր գերազանց համագործակցությունը։ Միասին մենք առաջ ենք տանելու Ֆրանսիան և Եվրոպան»,- Twitter-ում գրել է ֆոն դեր Լյայենը։
«Իմ ջերմ շնորհավորանքները, սիրելի Էմանուել Մակրոն։ Այս անհանգիստ ժամանակներում մեզ պետք են համախմբված Եվրոպա և Ֆրանսիա, որն ամբողջությամբ հավատարիմ է ավելի ինքնիշխան և ռազմավարական Եվրամիությանը։ Մենք կարող ենք Ֆրանսիայի վրա հույս դնել ևս հինգ տարի», – իր հերթին նշել է Միշելը։
Մակրոնը, նախնական տվյալներով, ստացել է ձայների 57,6 տոկոսը: «Ազգային միավորման» թեկնածու Մարին Լը Պենը ստացել է ձայների 42,4 տոկոսը:
