23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
107 տարի անց ամերիկացի ժողովուրդը շարունակում է հարգել Ցեղասպանության ժամանակ զոհված հայերի հիշատակը. Բայդեն
Քաղաքականություն
24.04.2022 | 15:47
Այսօր մենք հիշում ենք մեկուկես միլիոն հայերին, ովքեր բռնագաղթվել, կոտորվել կամ մահվան երթ են իրականացրել բնաջնջման արշավի ժամանակ և սգում ենք մեծ թվով մարդկանց ողբերգական կորուստը: Այս մասին ասվում է ԱՄՆ նախագահ Սպիտակ տան ապրիլքսանչորսյան հայտարարության մեջ:
«1915 թվականի ապրիլի 24-ին օսմանյան իշխանությունները Կոստանդնուպոլսում ձերբակալեցին հայ մտավորականներին և համայնքի ղեկավարներին։ Այսպիսով սկսվեց Հայոց ցեղասպանությունը՝ 20-րդ դարի ամենասարսափելի զանգվածային վայրագություններից մեկը: Այսօր մենք հիշում ենք մեկուկես միլիոն հայերին, ովքեր բռնագաղթվել, կոտորվել կամ մահվան երթ են իրականացրել բնաջնջման արշավի ժամանակ և սգում ենք մեծ թվով մարդկանց ողբերգական կորուստը:
Անդրադառնալով Հայոց ցեղասպանությանը՝ մենք վերահաստատում ենք մեր խոստումը պահպանելու մեր զգոնությունը ատելության քայքայիչ ազդեցության նկատմամբ՝ իր բոլոր ձևերով: Մենք կրկին պարտավորվում ենք բարձրաձայնել և և վերջ դնել վայրագություններին, որոնք երկարատև հետք են թողնում աշխարհում: Եվ սգալով Մեծ եղեռնի ժամանակ կորցրածը, եկեք կրկնապատկենք մեր ջանքերը ապաքինելու և կառուցելու ավելի լավ, ավելի խաղաղ աշխարհ, որը ցանկանում ենք մեր երեխաներին: Աշխարհ, որտեղ հարգվում են մարդու իրավունքները, որտեղ մոլեռանդությունն ու անհանդուրժողականությունը չեն նշանավորում մեր առօրյան, և որտեղ մարդիկ ամենուր ազատ են արժանապատվորեն և ապահով ապրելու:
Սա նաև պահ է՝ անդրադառնալու հայ ժողովրդի ուժին և տոկունությանը։ Ցեղասպանությանը դիմանալուց հետո հայ ժողովուրդը վճռական էր՝ վերականգնելու իր համայնքը և իր մշակույթը, հաճախ՝ նոր տներում և նոր երկրներում, այդ թվում՝ Միացյալ Նահանգներում: Ամերիկահայերը Միացյալ Նահանգների կառուցվածքի կենսական մասն են։ Նրանք մեր ազգին դարձնում են ավելի ուժեղ և դինամիկ, թեև շարունակում են իրենց հետ տանել իրենց նախնիների կրած ողբերգական ժառանգությունը: Մենք ընդունու ենք նրանց ցավը և հարգում նրանց պատմությունը:
Այսօր՝ 107 տարի անց, ամերիկյան ժողովուրդը շարունակում է հարգել բոլոր հայերին, ովքեր զոհվել են ցեղասպանության ժամանակ»,- նշված է Սպիտակ տան հայտարարության մեջ։
