10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Արցախի ԱԳՆ-ն՝ Շուշիում «աշխարհի ադրբեջանցիների 5-րդ համագումարի» անցկացման մասին
Քաղաքականություն
22.04.2022 | 18:45
Արցախի Հանրապետության արտաքին գործերի նախարարությունը ծայրաստիճան ապակառուցողական է համարում Ադրբեջանի կողմից օկուպացված հայկական Շուշիում «աշխարհի ադրբեջանցիների 5-րդ համագումար» անցկացնելու նախաձեռնությունը, ինչն իր մեջ ներառում է հայատյացության և ծավալապաշտության ակնհայտ տարրեր։ Այս մասին ասվում է ԱՀ ԱԳՆ տարածած հաղորդահրության մեջ։
«Նման «նախաձեռնությունը» նաև տարածաշրջանում լարվածություն ստեղծելու փորձ է։
Արցախի ԱԳՆ-ն խստիվ դատապարտում է պաշտոնական Բաքվի այդ ազգայնամոլական և ագրեսիվ քաղաքականությունը, որի նպատակն է խափանել և տորպեդահարել ադրբեջանա-ղարաբաղյան հակամարտության կարգավորման խաղաղ գործընթացը»,-նշված է հայտարարությունում:
Հիշեցնենք, որ Արցախի գրավյալ հայկական Շուշի քաղաքում տեղի է ունեցել աշխարհի ադրբեջանցիների 5-րդ համագումարը, որի ժամանակ ունեցած ելույթում Ադրբեջանի նախագահ Իլհամ Ալիևը խոսել է ԵԱՀԿ Մինսկի խմբի գործունեությունից՝ նշելով, որ այն ուղղված չի եղել Լեռնային Ղարաբաղի հակամարտության կարգավորմանը, այլ, իբր, «Հայաստանի կողմից Ադրբեջանի տարածքների օկուպացիային»։ Ալիևը նաև «ափսոսանք» է հայտնել, որ պաշտոնական Երևանը շարունակում է խոսել Մինսկի խմբի գործունեությունից։
Նա նաև հայտարարել է, որ Ադրբեջանն ու Հայաստանն առաջիկայում պետք է կոնկրետ բանակցություններ սկսեն խաղաղության համաձայնագրի շուրջ, և դա պետք է լինի «միայն ադրբեջանական կողմի պայմաններին համապատասխան»։
