19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Մոսկվայում 2020-ին հայերի վրա հարձակված 7 ադրբեջանցու դատարանը մեղավոր է ճանաչել․ 5-ը՝ դատապարտվել են 2 տարի 8 ամիս ազատազրկման
Քաղաքականություն
19.04.2022 | 21:32
Մոսկվայի Լյուբլինսկի շրջանային դատարանը ՌԴ մայրաքաղաքում 2020թ-ին միջէթնիկ բախումների հինգ ադրբեջանցի մասնակցի դատապարտել է 2 տարվա 8 ամսվա ազատազրկման, ևս երկուսը՝ պայմանական ազատազրկման են դատապարտվել։ Այս մասին ՏԱՍՍ-ին հայտնել են դատարանի մամուլի ծառայությունից։
«Դատարանը Է․ Ալակաբարովին,Բ․ Վալիևին, Պ․Համիդովին, Տ․Իսմայիլովին, Ա Կաֆարովին մեղավոր է ճանաչել խուլիգանության մեջ ու դատապարտել 2 տարի 8 ամիս ազատազրկման ընդհանուր ռեժիմի գաղութում»,-ասվում մամուլի ծառայության հայտարարության մեջ։ Նշվում է, որ գործի ևս երկու մեղադրյալներ՝ Զախիդով Մ.-ն և Գիյասով Դ.-ն ստացել են 2 տարի 8 ամիս պայմանական ազատազրկում։
Հիշեցենենք, որ 2020թ-ի հուլիսին հայ-ադրբեջանական Տավուշյան մարտերի ժամանակ ադրբեջանցիները Մոսկվայում հարձակվել էին հայերի, հայկական համարանիշերով ավտոմեքենաների վրա, ինչպես նաև հայերին պատկանող օբյեկտների, այդ թվում՝ խանութների վրա։
Էմմա Չոբանյան
