20.04.2026 | 16:45
Սերժ Սարգսյանի ստորագրած հողամասի վաճառքի դիմաց ՀՀ-ին կվերադարձվի 78.8 մլն դրամ․ Դատախազություն
Էրդողանը հայտարարել է, որ Թուրքիան վերածվում է «լոգիստիկ գերտերության»
Քաղաքականություն
13.04.2022 | 15:59
Թուրքիան վստահ շարժվում է լոգիստիկ գերտերության վերածվելու ճանապարհով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է «Անադոլու» գործակալությունը։
«Թուրքիան գնում է նրան, որ դառնա լոգիստիկ գերտերություն՝ լայն աշխարհագրությամբ, որը ձգվում է Լոնդոնից Պեկին, Սիբիրից Հարավային Աֆրիկա»,- ասել է Էրդողանը։
Նա նշել է, որ Անկարան հանդես է գալիս առկա հակամարտությունների խաղաղ կարգավորման օգտին։ Ըստ նրա՝ Թուրքիան միջազգային ասպարեզում իրեն դիրքավորում է որպես կառուցողական ուժ, որտեղ «իր արժանի տեղը չի ստացել երկու համաշխարհային պատերազմներից հետո»։
Երկրում աննախադեպ գնաճի և տնտեսական ճգնաժամի պայմաններում Էրդողանը խոսել է նաև կառավարության միջոցառումների մասին՝ ուղղված երկրի տնտեսական կայունության ապահովմանը, այդ թվում՝ գների արհեստական գնաճի դեմ պայքարին։
Բացի այդ, Էրդողանն իր ավանդական խոստումն է հնչեցրել, որ Թուրքիայում գործադրվում են անհրաժեշտ բոլոր ջանքերը, որպեսզի երկիրը դառնա աշխարհի 10 խոշորագույն տնտեսություններից մեկը։
Էմմա Չոբանյան
