10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
«Անցանկալի» լրագրողներից ազատվելու միջո՞ց. ԱԺ-ում շրջանառվող նախագիծը քննադատության թիրախում․ ՏԵՍԱՆՅՈՒԹ
Քաղաքականություն
12.04.2022 | 22:20
«Զանգվածային լրատվության մասին» օրենքում հերթական փոփոխություններն են սպասվում։ Այս անգամ դրանք նախատեսում են, որ պետական մարմինը կարող է դադարեցնել լրագրողի հավատարմագրումը՝ առանց լրագրողի կամ լրատվամիջոցի դիմումի, եթե խախտվել են աշխատանքային գոտում գործող կարգապահական կանոնները։
Նախագիծը հերթական անգամ առաջացրել է լրագրողների դժգոհությունը։ Նրանք պնդում են, որ սա մամուլը վերահսկողության տակ պահելու հերթական փորձն է։
Նախագծի համահեղինակ, ԱԺ «Քաղաքացիական պայմանագիր» խմբակցության պատգամավոր Արթուր Հովհաննիսյանը նշում է, որ սա ոչ թե լրագրողների ազատությունները սահմանափակելու համար է, այլ աշխատանքային հարաբերությունները կանոնակարգելու։
Ազգային ժողովում լրագրողների տեղաշարժի սահմանափակումների, զրպարտության և վիրավորանքի մասին օրենքների ընդունումից հետո, լրագրողների բնորոշմամբ՝ հերթական սահմանափակումները ենթադրող նախագիծն այս պահին դեռ քննարկման փուլում է։
Ազգային ժողովի լիագումար նիստում այն քննարկման կդրվի արդեն մայիսին։
Մանրամասները՝ տեսանյութում։
Քրիստինե Հովհաննիսյան
