16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Էրդողանը բանակցություններ է վարել Ավստրիայի կանցլերի հետ Մոսկվա նրա այցի նախաշեմին
10.04.2022 | 22:00
Թուրքիայի նախագահ Ռեջեփ Թայիփ Էրդողանը կիրակի օրը հեռախոսազրույց է ունեցել Ավստրիայի կանցլեր Կառլ Նեհամերի հետ՝ նրա՝ Մոսկվա կատարելիք այցի նախաշեմին, որտեղ ծրագրված է հանդիպում Վլադիմիր Պուտինի հետ:
«Քննարկվել են թուրք-ավստրիական հարաբերությունների բարելավմանն ուղղված քայլերը և տարածաշրջանային հարցեր, այդ թվում՝ ռուս-ուկրաինական պատերազմը։ Նախագահ Էրդողանը գոհունակություն է հայտնել Թուրքիայի և Ավստրիայի միջև վերջերս տեղի ունեցած բարձր մակարդակի շփումների կապակցությամբ: Նախագահ Էրդողանը հայտարարել է, որ [Թուրքիան-խմբ․] շարունակում է անել հնարավոր ամեն ինչ Ռուսաստանի և Ուկրաինայի միջև խաղաղության հաստատման համար», – լրագրողներին հայտնել են Թուրքիայի նախագահի գրասենյակից:
Էրդողանը Ավստրիայի կանցլերին հայտարարել է, որ Անկարան և Վիեննան կարող են ուժեղացնել համագործակցությունը բնական գազի մատակարարման ոլորտում:
«Նախագահ Էրդողանը կրկին հայտարարել է իր ակնկալիքների մասին ՝ կապված Թուրքիայի և ԵՄ-ի միջև հարաբերությունների հաստատված մեխանիզմների աշխատանքի վերսկսման, վիզաների ազատականացման գործընթացում որոշակի առաջընթացի հասնելու և Մաքսային միության նորացման շուրջ բանակցությունների անհապաղ մեկնարկի հետ։
Նախագահ Էրդողանը ուշադրություն է հրավիրել այն հանգամանքի վրա, որ Կասպից ավազանից և Արևելյան Միջերկրածովյան տարածաշրջանից Թուրքիայի տարածքով Եվրոպա էներգետիկ ռեսուրսների մատակարարումները ռազմավարական բնույթ են կրում: Նա նաև նշել է, որ այս փուլում [Թուրքիան-խմբ․] կարող է ընդլայնել իր համագործակցությունը Ավստրիայի հետ, որը Եվրոպայում բնական գազի բաշխման կարևոր կենտրոն է»,- հայտնել են գրասենյակից:
