29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՀՀ-ում ամուսնությունների թիվը նվազել է, ամուսնալուծություններինը՝ աճել
Հասարակություն
05.04.2022 | 22:30
Հայաստանում այս տարվա հունվար-փետրվար ամիսներին ամուսնությունների թիվը նվազել է, ամուսնալուծությունների թիվը՝ աճել։ Այս մասին տեղեկանում ենք Վիճակագրական կոմիտեի հրապարակած տվյալներից։
Այսպես․ այս տարվա հունվարին գրանցվել է 1108 ամուսնություն՝ նախորդ տարվա նույն ամսվա 1224 ամուսնության փոխարեն։ 1 տարվա կտրվածով նվազումը կազմել է 9,4 %:
Մոտավոր նույն պատկերն է փետրվարի տվյալներում։ Այս տարվա փետրվարին 1517 ամուսնություն է գրանցվել՝ նախորդ տարվա 1746-ի փոխարեն։ 1 տարվա կտրվածքով նվազումը կազմել է շուրջ 13 %:
Իսկ ամուսնալուծությունների թիվն, ընդհակառակը, աճել է։ Այս տարվա հունվարին գրանցվել է 371 ամուսնալուծություն՝ նախորդ տարվա նույն ամսվա 270-ի փոխարեն։ Աճը կազմել է շուրջ 37 %:
Փետրվարին պատկերը փոքր ինչ մեղմվում է․ 2022 թվականի փետրվարին գրանցվել է 369 ամուսնալուծություն՝ նախորդ տարվա նույն ամսվա 309-ի փոխարեն։ Աճը կազմել է շուրջ 20 %:
Անժելա Պողոսյան
