Վերջին մեկ տարում Արցախում համերգներ չեն լինում. մոռացել ենք մեր հայրենակիցներին. Տիգրան Հեքեքյան. ՏԵՍԱՆՅՈւԹ

«Մեր հասարակության մոտ վտանգի զգացողության իսպառ բացակայություն եմ նկատում: Մենք շարունակում ենք ուրախանալ, քեֆեր անել, իսկ մեր հայրենակիցներն Արցախում այդ պահին կարող են առանց գազի և լույսի լինել: Կարեկցելու կարողությունն ենք կորցրել:

Նախորդ տարի մշակույթի նախարարությունը մեր երգչախմբին ֆինանսավորեց` Արցախ գնալու, այնտեղ ելույթ ունենալու համար, այս տարի` ոչ: Նախորդ տարվանից մինչև հիմա մեր գնալուց հետո Արցախ մշակութային որևէ խումբ չի գնացել. մենք մոռացել ենք մեր հայրենակիցներին»,-Factor TV-ի հետ զրույցում իր մտահոգությունն է հայտնում դիրիժոր, «Հայաստանի փոքրիկ երգիչներ» երգչախմբի գեղարվեստական ղեկավար Տիգրան Հեքեքյանը:

Նա խոսում է նաև հայաստանյան ներքին քաղաքական կյանքի մասին` խոստովանելով, որ խորհրդարանի գերծենությանն այլևս չի հետևում. «Էլ ի՞նչ նայես, երբ տեսնում ես, որ կենսագրություն, անցյալ չունեցող, պատմություն չունեցող մեկը, ով իր կյանքում ոչինչ չի արել, եկել դարձել է պատգամավոր: Իրենք պատգամավորներ չեն, քվեարկողներ են: Ինձ մոտ տպավորություն է, որ նրանք, ովքեր չեն կարող մի բան ստեղծել, արարել, օգուտ բերել, դառնում են պատգամավոր»:

Դիրիժորն անդրադառնում է նաև արտաքին քաղաքական հարցերի`օրինակ` ընդդիմության տեսակետին, թե ավելի լավ է` Ռուսաստանի հետ միութենական պետություն ստեղծել, քան Թուրքիայի, ինչպես նաև խոսում է Թուրքիայի հետ հարաբերությունների կարգավորման մասին. «Պարզ է` պետք է բոլորի հետ դիվանագիտական հարաբերություններ պահենք, բայց դու պիտի միայն ուժեղ դիրքերից Թուրքային ասես` արի խաղաղ ապրենք: Իսկ Ռուսաստանը` որպես կայսրություն, փլուզվում է, իր մայրամուտին է. մտնել խորտակվող նավ` ինքնասպանություն է, երբեք ճիշտ չէ»,-տեսակետ է հայտնում Տիգրան Հեքեքյանը:

Մանրամասները` տեսանյութում:

Աննա Բաբաջանյան