10.10.2026 | 13:16
ԱՄՆ-ն պատրաստակամություն է հայտնել աջակցելու Հայաստանի ԱԱԾ սահմանապահների վերապատրաստմանը
Ադրբեջանը Մատաղիսի հայկական եկեղեցին ներկայացնում է որպես ալբանական. ԼՈՒՍԱՆԿԱՐՆԵՐ
Քաղաքականություն
01.04.2022 | 20:54
Ադրբեջանը շարունակում է խախտել ՄԱԿ-ի Արդարադատության միջազգային դատարանի դեկտեմբերի 7-ի որոշումն ու Արցախի գրավյալ տարածքներում նենգափոխում և վանդալիզմի ենթարկում հայկական կրոնական և պատմամշակութային կոթողներն ու հուշարձանները։
Մասնավորապես, ադրբեջանական լրատվամիջոցների հաղորդմամբ, Արցախի գրավյալ Մատաղիս են այցելել Բաքվի կողմից քարոզչական նպատակներով ստեղծված ալբանաուդիական համայնքի ներկայացուցիչները։ Նրանք եղել են Սուրբ Եղիշե հայ առաքելական եկեղեցի, որը ներկայացվել է որպես աղվանական՝ ալբանական։
Ադրբեջանական քարոզչական մեքենան նշում է, որ հայերը, իբր, «30 տարի տարբեր փոփոխություններ են կատարել եկեղեցիների և տաճարների արտաքին տեսքում՝ Ադրբեջանի պատմամշակութային ժառանգությունը յուրացնելու նպատակով»։
Հիշեցնենք, որ ԵԽԽՎ-ն ևս Արցախում հայկական մշակութային ժառանգության պահպանման մասին բանաձև էր ընդունել՝ դատապարտելով Ադրբեջանի քայլերը։
Էմմա Չոբանյան
