18.08.2026 | 14:48
Բաշար Ասադի զարմիկին Սիրիայում մահապատժի են դատապարտել՝ սպանությունների և խոշտանգումների համար
ՊՆ-ում, Երևանի քաղաքապետարանում ՊՎԾ-ն ուսումնասիրություն է կատարում. Ռոմանոս Պետրոսյան․ ՏԵՍԱՆՅՈՒԹ
Տեսանյութեր
31.03.2022 | 12:36
«Այս պահին ուսումնասիրություններ ենք անում ՀՀ առողջապահության նախարարությունում, Երևանի քաղաքապետարանում, ինչպես նաև «Հայ Փոստ» ՓԲԸ-ում, որը 100 տոկոս մասնաբաժին ունեցող միավոր է։ Իսկ Արտակարգ իրավիճակների նախարարությունում մեր մասով այս պահին չկա ուսումնասիրություն»,- այս մասին այսօր լրագրողների հետ ճեպազրույցում ասաց ՊՎԾ պետ Ռոմանոս Պետրոսյանը։
«Ուսումնասիրություններին պետք է հաջորդի տեղեկանքների կազմում և ամփոփում, որից հետո տեղեկատվություն կտրամադրվի մեր լրատվամիջոցներին և հանրությանը։ Պետական վերահսկողական ծառայությունում այս պահին մեկ ու կես տասնյակ ուսումնասիրություններ են իրականացվում պետական կառավարաման մարմիններում, ինչպես նաև մի քանի տասնյակ մշտադիտարկումներ՝ այդ թվում ամենօրյա մշտադիտարկման ռեժիմ»,- հավելեց ՊՎԾ պետը։
Ռոմանոս Պետրոսյանն ընդգծեց, որ արդեն սկսել են վարչապետի, կառավարության որոշումների կատարման ընթացքը մշտադիտարկման տակ պահել և գերատեսչություններին շաբաթական կտրվածքներով առաջարկներ են ներկայացնում մշտադիտարկման արդյունքների հնարավոր թերացումների վերաբերյալ, որպեսզի շտկեն ընթացակարգերը․ «Մշտադիտարկման տակ ենք պահում նաև պետական գնումները՝ բարձրաստիճան պետական պաշտոնյաների հնարավոր փոխկապակցվածություն ունեցող սուբյեկտների հայտերն ենք զննում»,- հավելեց Պետրոսյանը։
Մանրամասները՝ տեսանյութում:
