10.09.2026 | 16:14
ՊԵԿ-ը օգոստոսին արձանագրել է հարկային իրավախախտումների մի շարք դեպքեր
Հովիկ Աբրահամյանի առանձնատան վաճառքն հակաօրինական չէ. Ռոմանոս Պետրոսյան․ ՏԵՍԱՆՅՈՒԹ
Տեսանյութեր
31.03.2022 | 12:28
Նախկին վարչապետ Հովիկ Աբրահամյանի առանձնատան շուրջ խոսակցություն էր ծավալվում «կոռուպցիայի դեմ զրո հանդուրժողականություն» քարոզող ներկայիս իշխանության շատ ներկայացուցիչների, այդ թվում նաև Նիկոլ Փաշինյանի կողմից, և այն համարվում էր կոռուպցիայի շքեղ թանգարան՝ բաց երկնքի տակ, այժմ մի մեծ հատված վաճառվել է՝ առանց պարզելու այդ գույքի ծագումնաբանությունը. հայտնի չէ՝ օրինական էր այն, թե անօրինական: ՊՎԾ պետ Ռոմանոս Պետրոսյանը, այսօր լրագրողների հետ ճեպազրույցում անդրադառնալով այս դիտարկմանը, նշեց. «Չեմ կարծում, թե այդտեղ որևէ հակաօրինական բան է եղել, քանի որ այդ մասով և՛ Գլխավոր դատախազությունն է մեկնաբանություն տարածել, և՛ Հակակոռուպցիոն կոմիտեն:
Շատ դեպքերում օրինականությամբ, օրենքի գերակայությամբ պայմանավորված իրավիճակները մեր հանրությունը համադրում է բարոյական գնահատականների համտեքստում, գուցե այդտեղից է գալիս տարընկալումը»:
Հարցին, թե ի՞նչ ճանապարհով է կառուցվել Հովիկ Աբրահամյանի առանձնատունը, Պետրոսյանը չպատասխանեց՝ նշելով. «Չեմ կարող մեկնաբանել, որովհետև կոմպետենտ չեմ և լիազորված չեմ պատասխանելու այդ հարցին»:
Մանրամասները՝ տեսանյութում:
