10.09.2026 | 13:18
Ջերմաստիճանը կբարձրանա․ բարձր կարգի հրդեհավտանգ իրավիճակ է սպասվում
Անդրանիկ Փիլոյանը ձերբակալվել է ԱԻՆ֊ում կատարված գործարքների համար. Փաշինյան․ ՏԵՍԱՆՅՈՒԹ
Քաղաքականություն
31.03.2022 | 12:32
Օրենքի գերակայությունը կարևոր է։ Այս մասին Կառավարության նիստում նշեց վարչապետ Նիկոլ Փաշինյանը՝ անդրադառնալով ԱԻ նախարար Անդրանիկ Փիլոյանի ձերբակալությանը։
Հիշեցնենք, որ երեկ՝ մարտի 30-ին, Հակակոռուպցիոն կոմիտեում քննվող քրեական գործի շրջանակներում ձերբակալվել է ԱԻ նախարար Անդրանիկ Փիլոյանը։
Անդրադառնալով քրեական գործին՝ Նիկոլ Փաշինյանը նշեց. «Այս պահի դրությամբ այդ գործով կան ձերբակալված անձինք, և նաև ձերբակալված է Արտակարգ իրավիճակների նախարար Անդրանիկ Փիլոյանը։ Շատ ցավով եմ ասում, շատ ցավալի փաստ է։ Իհարկե մենք որևէ մեկի անմեղության կանխավարկածը չհարգելու իրավունք չունենք որևէ կերպ: Ամենայն հարգանքով ուզում եմ արձանագրել, որ մենք հանրայնորեն ստանձնել ենք զրո հանդուրժողականություն կոռուպցիայի նկատմամբ և շատ կարևոր է, որ մենք այդ դիրքորոշումը հետևողականորեն և սկզբունքորեն պահենք, ինչը որևէ բան չի նշանակում, որովհետև պետք է տեղի ունենա նախաքննություն, գործը գնա դատարան և օրինական ուժի մեջ մտած դատավճռից հետո կարելի կլինի որևէ եզրակացություն անել»,- նշեց Նիկոլ Փաշինյանը:
«Հաճելի չէ այս իրավիճակը, բայց հանրության առաջ ստանձնած պարտավորությունները, օրենքի գերակայությունը, օրենքի առաջ հավասարությունն ավելի կարևոր է։ Համոզված եմ, որ նախաքննությունը կընթանա օբյեկտիվ, օրինականության տառին և ոգուն համապատասխան, և բոլոր մեղավորները կստանան օրենքով նախատեսված պատիժ»,- նշեց վարչապետը։
Մանրամասները՝ տեսանյութում:
