16.09.2026 | 21:15
Վթար Չարենցավան-Հրազդան ավտոճանապարհին. նախնական տվյալներով՝ կան չորս զոհ, մեկ տուժած
ԵՄ-ն դիտարկում է հակառուսական պատժամիջոցները խստացնելու հնարավորությունը
Քաղաքականություն
30.03.2022 | 20:29
ԵՄ երկրները դիտարկում են առաջիկա օրերին Ռուսաստանի նկատմամբ պատժամիջոցերի խստացման հնարավորությունը, մասնավորապես, ավելի մեծ թվով ռուսական բանկերի, ինչպես նաև Ռուսաստանի Դաշնությունից ձեռնարկատերերի ընտանիքների դեմ միջոցների ներդրումը։ Այս մասին գրում է The Wall Street Journal-ը՝ վկայակոչելով դիվանագետների և պաշտոնյաների, որոնք ծանոթ են Բրյուսելի պլաններին։
«Եվրոպական երկրները, որոնք միտված են Ռուսաստանի դեմ պատժամիջոցների խստացմանը, դիտարկում են առաջիկա օրերին պատժամիջոցների ցուցակում ավելի շատ բանկեր ավելացնելու, ինչպես նաև օլիգարխների ընտանիքների անդամների նկատմամբ պատժամիջոցները երկարացնելու հարցը»,- գրում է լրատվամիջոցը։
Մասնավորապես, ԵՄ-ն քննարկում է ռուսական չորս բանկերի նկատմամբ պատժամիջոցներ կիրառելու հնարավորությունը, որոնք նախկինում անջատվել են SWIFT համակարգից, այդ թվում՝ ՎՏԲ-ի դեմ։ Միաժամանակ, ինչպես ընդգծել են աղբյուրները, Գազպրոմբանկը և Սբերբանկը պատժամիջոցների ցուցակում ներառելու ծրագիր չկա։
Նշվում է, որ պատժամիջոցների նոր փաթեթի նախապատրաստման շրջանակում ԵՄ-ն ուսումնասիրում է կրիպտոարժույթների օգտագործման սահմանափակումների խստացման հնարավորությունը՝ ֆինանսական պատժամիջոցները շրջանցելու համար։
ԵՄ-ն նաև քննարկում է փողերի լվացման դեմ պայքարի սև ցուցակը կիրառելու ուղիներն այն երկրների նկատմամբ, որոնք օգնում են շրջանցել արևմտյան պատժամիջոցները։ Այս քննարկումները ներառում են այն հարցը՝ արդյո՞ք Ռուսաստանը պետք է ներառվի ԵՄ համապատասխան սև ցուցակում: Ըստ պաշտոնյաների՝ այս հարցի վերաբերյալ որոշում դեռ չի սպասվում։
Էմմա Չոբանյան
