21.08.2026 | 12:03
46-ամյա Ռոնալդինյոն վերսկսում է կարիերան
Գերմանիան հայտարարել է Ուկրաինայի անվտանգության երաշխավոր դառնալու պատրաստակամության մասին
Քաղաքականություն
30.03.2022 | 19:11
Գերմանիան պատրաստ է հանդես գալ որպես Ուկրաինայի անվտանգության երաշխավոր։ Այս մասին լրագրողների հետ զրույցում հայտարարել է Գերմանիայի նախարարների կաբինետի պաշտոնական ներկայացուցիչ Շտեֆեն Հեբեշտրայտը, փոխանցում է Lenta-ն։
Պաշտոնյայի խոսքով՝ Գերմանիայի կանցլեր Օլաֆ Շոլցն արդեն քննարկել է անվտանգության երաշխիքների հարցը Ուկրաինայի նախագահ Վլադիմիր Զելենսկու հետ հանդիպման ժամանակ։
«Կանցլերն ազդարարել է ընդհանուր պատրաստակամության մասին։ Գերմանիան պատրաստ է գործել որպես անվտանգության երաշխավոր»,- ասել է Հեբեշտրայտը։
Նա նաև նշել է, որ Բեռլինը ժամանակավորապես զերծ կմնա Ռուսաստանի և Ուկրաինայի միջև Ստամբուլում կայացած բանակցությունների գնահատականներից։
«Մենք պետք է զսպվածություն դրսևորենք»,- պարզաբանել է նա՝ ընդգծելով, որ ռուսական և ուկրաինական կողմերը դեռ շարունակում են բանակցությունները։
Էմմա Չոբանյան
