10.10.2026 | 12:34
ԱՄՆ-ի և ՌԴ-ի միջև դիզվառելիքի վերաբերյալ համաձայնությունը ներդրում է պատերազմի մեջ․ Զելենսկի
Պեսկովն ասել է, թե Ուկրաինայի հետ բանակցություններում դեռևս հնարավոր չէ խոսել որևէ առաջընթացի մասին
Քաղաքականություն
30.03.2022 | 19:34
ՌԴ նախագահի խոսնակ Դմիտրի Պեսկովը մեկնաբանելով Ռուսաստանի և Ուկրաինայի միջև նախօրեին տեղի ունեցած բանակցությունները՝ ասել է, թե դեռևս հնարավոր չէ խոսել որևէ առաջընթացի մասին, կողմերը դեռ շատ աշխատանք ունեն անելու, փոխանցում է ՌԻԱ Նովոստին։
«Ոչ ոք չի հայտարարել, որ կողմերն առաջընթաց են գնացել»,- ասել է Կրեմլի խոսնակը։
Պեսկովը կոչ է արել լրագրողներին «հասկանալ բանակցային նրբությունները» և ուշադիր ծանոթանալ երեքշաբթի հնչեցված հայտարարություններին։ Նա հավելել է, որ դրական գործոն կարելի է համարել այն, որ ուկրաինական կողմը սկսել է կոնկրետ ձևակերպել ու թղթի վրա ֆիքսել իր դիրքորոշումը։
«Սա դրական գործոն է։ Մնացած դեպքերում մենք չենք կարող փաստել ինչ-որ շատ խոստումնալից բան, ինչ-որ առաջընթաց։ Դեռ շատ ու շատ երկար աշխատանք կա անելու»,- ասել է Պեսկովը։
Տաթև Ֆռանգյան
