21.08.2026 | 12:03
46-ամյա Ռոնալդինյոն վերսկսում է կարիերան
Լեհաստանը նախատեսում է մինչև տարեվերջ հրաժարվել ռուսական նավթից
Քաղաքականություն
30.03.2022 | 18:54
Լեհաստանը նախատեսում է մինչև տարեվերջ աստիճանաբար հրաժարվել ռուսական նավթից։ Այս հավակնոտ ծրագրի մասին հայտաարել է երկրի վարչապետ Մաթեուշ Մորավեցկին, գրում է BBC-ի ռուսական ծառայությունը։
«Մենք ամեն ինչ կանենք, որպեսզի մինչև տարեվերջ հրաժարվենք ռուսական նավթից»,- ասել է նա։
Պաշտոնյան, սակայն, չի հստակեցրել, թե կոնկրետ ինչպես է Լեհաստանը նախատեսում այդքան կարճ ժամանակում հասնել այս արդյունքին՝ հաշվի առնելով, որ երկիրը մեծապես կախված է ռուսական նավթից։ Լեհաստանի նավթավերամշակման գործարաններում վերամշակվող հում նավթի երկու երրորդը գալիս է Ռուսաստանից։
«Մենք ավելի շատ կախված ենք ռուսական նավթից, քան նրանց գազից։ Բացի այդ՝ մեր ամենամեծ նավթավերամշակման գործարանը Պլոցկում տեխնիկապես և լոգիստիկորեն հարմարեցված է Ռուսաստանից հում նավթի մատակարարմանը»,- ասել է Վարշավայում տեղակայված Instrat վերլուծական կենտրոնի փորձագետ Բեռնարդ Սվոչինան։
ԵՄ բոլոր երկրների շարքում Լեհաստանն ունի Ռուսաստանից էներգակիրների ներմուծման չորրորդ խոշորագույն հաշիվը՝ անցյալ տարի Մոսկվա ուղարկելով 15,4 միլիարդ եվրո։
Տաթև Ֆռանգյան
