17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Լոնդոնը պատրաստակամություն է հայտնել դառնալ Ուկրաինայի անվտանգության երաշխավորը
Քաղաքականություն
30.03.2022 | 12:53
ՄԱԿ-ում Մեծ Բրիտանիայի մշտական ներկայացուցիչ Բարբարա Վուդվորդը Լոնդոնի պատրաստակամությունն է հայտնել՝ հանդես գալ Ուկրաինայի անվտանգության երաշխավոր, գրում է ՌԲԿ-ն։
Նա, մասնավորապես, ասել է, որ բրիտանական կողմը զգալի ռազմական օգնություն է ցուցաբերում Կիևին, ինչպես նաև ավելի քան 400 մլն ֆունտ սթեռլինգի հումանիտար օգնություն։ Նրա խոսքով՝ վարչապետ Բորիս Ջոնսոնը գրեթե ամեն օր հեռախոսազրույց է ունենում Ուկրաինայի նախագահ Վլադիմիր Զելենսկիի հետ։
Դիվանագետը նշել է, որ Բրիտանիան ցանկանում է հնարավոր բոլոր միջոցներով օգնել՝ դադարեցնել Ուկրաինայում ռազմական գործողությունները։
«Մենք ուրախ կլինենք մեր դերն ունենալ երաշխավոր դառնալու գործում, եթե Ուկրաինայի կառավարությունը խնդրի մեզ»,- ասել է Վուդվորդը։
Էմմա Չոբանյան
