11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
ՌԴ-ն երկարացրել է երկրի հարավային և կենտրոնական օդանավակայաններ թռիչքների արգելքը
Քաղաքականություն
30.03.2022 | 11:03
Ռուսաստանի օդային տրանսպորտի դաշնային գործակալությունը ևս մեկ շաբաթով՝ մինչև ապրիլի 7-ը, երկարացրել է Ռուսաստանի հարավային և կենտրոնական օդանավակայաններ թռիչքների արգելքը, գրում է BBC-ի ռուսական ծառայությունը։
«Մինչև 2022 թվականի ապրիլի 7-ը Մոսկվայի ժամանակով ժամը 03:45-ը երկարաձգվել է Ռուսաստանի Անապա, Բելգորոդ, Բրյանսկ, Վորոնեժ, Գելենջիկ, Կրասնոդար, Կուրսկ, Լիպեցկ, Դոնի Ռոստով, Սիմֆերոպոլի և Էլիստա օդանավակայաններ թռիչքների ժամանակավոր արգելքը»,- ասված է գերատեսչության հաղորդագրության մեջ։
Նախկին արգելքը գործում էր մինչև ապրիլի 1-ը։ Այս քաղաքներ ուղևորների տեղափոխումը կազմակերպելու համար ավիաընկերություններին դեռ խորհուրդ է տրվում օգտվել Սոչիի, Վոլգոգրադի, Միներալնիե Վոդիի, Ստավրոպոլի և Մոսկվայի օդանավակայաններից։
Ռուսական մնացած օդանավակայանները, այդ թվում՝ միջազգային, գործում են սովորական ռեժիմով։
Օդային տրանսպորտի դաշնային գործակալությունը փետրվարի 24-ին՝ Ուկրաինայում ռուսական ռազմական գործողությունների մեկնարկի օրը, սահմանափակումներ էր մտցրել Ռուսաստանի ներսում թռիչքների համար։ Գործակալությունն այսօր դրանք երկարացնում է արդեն վեցերորդ անգամ։
Տաթև Ֆռանգյան
