21.08.2026 | 12:03
46-ամյա Ռոնալդինյոն վերսկսում է կարիերան
Չավուշօղլուն հայտարարել է, որ ռուս-ուկրաինական բանակցություններում այսօր զգալի առաջընթաց է գրանցվել
Քաղաքականություն
29.03.2022 | 18:58
Ստամբուլում այսօր տեղի ունեցած ռուս-թուրքական բանակցություններից հետո Թուրքիայի ԱԳ նախարար Մևլութ Չավուշօղլուն խոսել է հանդիպման ընթացքում գրանցված առաջընթացի մասին, հաղորդում են թուրքական լրատվամիջոցները։
«Այսօր Ստամբուլում հավաքել ենք երկու կողմերի բանակցային պատվիրակություններին։ Ուրախ ենք տեսնել, որ կողմերի միջև մերձեցումն աճել է։ Մենք շատ ուրախ ենք այս գործընթացին նպաստելու և աջակցելու համար: Այս պատերազմը, որը հանգեցրել է հազարավոր մարդկանց մահվան և միլիոնավոր մարդկանց տեղահանման, պետք է դադարեցվի։ Այսօր կայացած հանդիպմանը մենք տեսնում ենք, որ այս առումով առաջընթաց է գրանցվել»,- ասել է Չավուշօղլուն։
Նա նշել է, որ որոշ հարցերի շուրջ կոնսենսուս և ընդհանուր ըմբռնում է ձեռք բերվել։
Ըստ Չավուշօղլուի՝ բանակցությունների մեկնարկից ի վեր այսօր ամենաբովանդակալից առաջընթացն է գրանցվել։ Նա նաև հավելել է՝ ավելի բարդ հարցերը պետք է լուծվեն ավելի բարձր մակարդակներում։
Էմմա Չոբանյան
