12.01.2025 | 17:49
Սպիտակ-Վանաձոր երթուղու միկրոավտոբուսի վթարի հետևանքով 12 քաղաքացի տեղափոխվել է հիվանդանոց, բոլորը դուրս են գրվել
Ռուսական և ուկրաինական պատվիրակությունները բանակցելու համար ժամանել են Ստամբուլ․ ՏԵՍԱՆՅՈՒԹ
Քաղաքականություն
29.03.2022 | 11:09
Ռուսական և ուկրաինական պատվիրակությունները Ստամբուլում են՝ ավելի քան երկու շաբաթվա ընդմիջումից հետո դեմ առ դեմ բանակցությունների համար։ Նախքան այս հանդիպումը նախագահ Վլադիմիր Զելենսկին հայտարարել էր, որ Ուկրաինան պատրաստ է հայտարարել իր չեզոքության մասին և քննարկել փոխզիջման հարցը երկրի արևելյան վիճելի տարածքներում՝ խաղաղություն ապահովելու համար, գրում է Radio Liberty-ն:
Կողմերի միջև նախկինում կայացած բանակցությունները, ինչպես դեմ առ դեմ, այնպես էլ տեսակոնֆերանսի միջոցով, առաջընթաց չեն արձանագրել:
Զելենսկին ասել է, որ բանակցություններում Ուկրաինայի առաջնահերթությունները կլինեն «ինքնիշխանությունն ու տարածքային ամբողջականությունը»։
Ուկրաինան «փնտրելու է խաղաղություն, իսկապես, առանց հապաղելու», – ասել էր նա մարտի 27-ի իր հերթական ուղերձում:
Նա լրագրողներին ասել էր, որ ինչպես չեզոքության հարցը, այնպես էլ ՆԱՏՕ-ին չանդամակցելու խնդիրը պետք է հանրաքվեի դրվեն, երբ ռուսական զորքերը դուրս բերվեն։ Զելենսկին հայտարարել է, որ նման հանրաքվեն կարող է տեղի ունենալ զորքերի հեռանալուց հետո մի քանի ամսվա ընթացքում:
