12.01.2026 | 10:45
Գուցե հրաժարվենք. չի կարող մանկապարտեզի նախագծման պրոցեսը տարիներ տևել. Ավինյան․ ՏԵՍԱՆՅՈՒԹ
Թուրքիան է սադրանքի դրդում Ալիևին․ Ադրբեջանի լկտիությունը կապված է ուկրաինական պատերազմի հետ․ Դավիթ Ստեփանյան․ ՏԵՍԱՆՅՈՒԹ
Քաղաքականություն
28.03.2022 | 20:32
Ադրբեջանը ոչ թե մտադիր է պատերազմ սկսել, այլ ընդամենը ուղերձ է հղում ՌԴ-ին և ՀՀ-ին, երբ Պաշտպանության նախարար Զաքիր Հասանովը ռազմական ղեկավարության հետ խորհրդակցությունում հրահանգում է «ցանկացած պահի պատրաստ լինել կիրառելու ժամանակակից սպառազինությունը և մարտական այլ միջոցներ»։ Այս կարծիքին է Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը։ Factor TV-ի հարցազրույցում նա այդ ուղերձի պատճառ նշում է Արցախի Քարագլուխ բարձունքի շուրջ եղած ռուս-ադրբեջանական տարաձայնությունը, ինչը կապված է նաև Ուկրաինայում պատերազմի հետ․ «Ցավոք՝ կանխատեսումներն սկսում են իրականություն դառնալ։ Ադրբեջանի լկտի պահվածքն Արցախում անիջական կապ ունի պատերազմի հետ։ Անմիջական կապ կա նաև Թուրքիայի հետ, որը սադրում է Ադրբեջանին և թույլ տալիս՝ դիմել այդպիսի քայլերի։ Ինչո՞ւ։ Պարզ է, որ արցախյան ճակատում Թուրքիան մեծ ռեսուրս չունի և Ադրբեջանի զինուժն ունակ չէ նույնիսկ այդ կոնտինգենտի հետ պայքարել»,- ասում է Դավիթ Ստեփանյանը։ Ըստ նրա՝ այստեղ գործի է գալիս Ուկրաինայի պատերազմի հանգամանքը, ուր Թուրքիան ՌԴ-ի նկատմամբ պահում է չեզոքություն, ինչը թանկ արժի։ Թուրքիան ՌԴ-ից պատասխան է պահանջում Ադրբեջանի՝ այսօրինակ մանր գործողություններով։ Ըստ փորձագետի՝ Ադրբեջանը շարունակում է իր հայատյաց քաղաքականությունը, փորձում է վերցնել ամբողջ Արցախը և այնտեղից հանել ռուս խաղաղապահներին։
Հարցազրույցն ամբողջությամբ՝ տեսանյութում։
Ռոբերտ Անանյան
