10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Գերմանիայի կանցլերը հայտարարել է, որ ՌԴ-ի ներխուժումը Ուկրաինա վերադարձ է իմպերիալիզմին
Քաղաքականություն
28.03.2022 | 19:16
Գերմանիայի կանցլեր Օլաֆ Շոլցը հայտարարել է, որ Ուկրաինա ներխուժումը «վերադարձ է դեպի իմպերիալիզմ», գրում է CNN-ը։
«Մենք բոլորս պետք է պատրաստվենք այն փաստին, որ մենք ունենք հարևան, որը ներկայում բռնություն է կիրառում: Եվ մենք պետք է թույլ չտանք, որ դա վարքագծի կանոն դառնա»,- ասել է Շոլցը հանրային «Anne Will» թոք շոուի ժամանակ:
Նա նշել է, որ Գերմանիան քննարկում է հակահրթիռային համակարգերի գնման հարցը։ Բեռլինը նաև մի շարք զգուշացումներ է արել Ռուսաստանին։
«Չհամարձակվե՛ք հարձակվել մեզ վրա»,- հայտարարել է Շոլցը։
Նա նաև հավելել է, որ թեև «Զելենսկին ճիշտ է անում, որ օգնություն է պահանջում աշխարհում բոլորից, իրենք ռազմական առումով չեն ներգրավվի հակամարտությունում, եթե նույնիսկ դա անվանում են խաղաղապահ զորքեր, և չեն սահմանի ոչ թռիչքային գոտի»: Ըստ նրա՝ նման միջոցները կդառնան «ՆԱՏՕ-ի և Ռուսաստանի միջև հսկայական առճակատման սկիզբ»։
«ՆԱՏՕ-ն այս պատերազմի մաս չի լինի»,- ընդգծել է Շոլցը։
Գերմանացի պաշտոնյան նշել է, որ ՆԱՏՕ-ն նախապատրաստում է միջոցներ, եթե Ռուսաստանն օգտագործի կենսաբանական և քիմիական զենքեր։
Էմմա Չոբանյան
