16.09.2026 | 20:30
ՌԴ-ն նոր պատժամիջոցներ կկիրառի՝ հենց ՀՀ-ն որոշի ռազմաբազան հեռացնել․ Դավիթ Կարապետյան․ ՏԵՍԱՆՅՈՒԹ
G7-ը մերժել է Պուտինի՝ գազի դիմաց ռուբլով վճարելու պահանջը
Քաղաքականություն
28.03.2022 | 18:24
G7-ը երկուշաբթի մերժել է Ռուսաստանի նախագահ Վլադիմիր Պուտինի՝ գազի դիմաց ռուբլով վճարելու պահանջը, գրում է BBC-ի ռուսական ծառայությունը։
«Մեծ յոթնյակի բոլոր նախարարները միակարծիք են եղել, որ սա պայմանագրի միակողմանի և բացահայտ խախտում է»,- ասել է Գերմանիայի էկոնոմիկայի նախարար Ռոբերտ Հաբեքը, որը նախագահում է G7-ը:
Ըստ Հաբեքի՝ Ռուսաստանի այս պահանջը ցույց է տալիս, որ Պուտինը փակուղու առջև է կանգնած։
«Ռուբլով վճարումներն անընդունելի են, և մենք կոչ ենք անում շահագրգռված կազմակերպություններին՝ չկատարել Պուտինի պահանջը»,- հավելել է նա։
Երկուշաբթի Կրեմլի խսնակ Դմիտրի Պեսկովը, պատասխանելով հարցին, թե ինչպիսի՞ն կլինի Մոսկվայի գործողությունները ռուբլով վճարումներ կատարելուց Եվրոպայի հրաժարվելու դեպքում, հայտարարել է․ «Հարցերը կլուծենք դրանց առաջացմանը զուգընթաց։ Այն, որ մենք անվճար գազ չենք մատակարարի, միանշանակ է»։
Հիշեցնենք, որ անցյալ շաբաթ նախագահ Վլադիմիր Պուտինը հայտարարել էր, որ ռուսական գազի մատակարարումները «ոչ բարեկամ երկրներին» կիրականացվեն ռուբլով։ Այդ երկրների թիվը մարտին կտրուկ ավելացել է՝ Ուկրաինայում ռազմական գործողություններից հետո կիրառված պատժամիջոցներից հետևանքով։ Այս ցուցակում ընդգրկվել է շուրջ 50 երկիր։
Տաթև Ֆռանգյան
