10.10.2026 | 12:57
Նավթի գներն աճել են
Ուկրաինան «Խաղաղության մրցանակ» է շնորհելու Ռուսաստանից հեռացած ընկերություններին
Քաղաքականություն
28.03.2022 | 15:22
Միջազգային ընկերությունները, որոնք լքել են ռուսական շուկան, Ուկրաինայի նախագահ Վլադիմիր Զելենսկիի կողմից կարժանանան «Խաղաղության մրցանակի»։ Այս մասին հայտարարել է Զելենսկիի գրասենյակը, փոխանցում է CNN-ը։
«Ընկերությունները, որոնք հեռացել են, արժանի են ուկրաինացիների և ամբողջ աշխարհի մարդկանց հարգանքին: Ի վերջո, անտարբերությունն ու լռությունը մեղսակցություն են։ Մեր նպատակն է, որ որևէ լումա չգնա ագրեսոր երկրի բյուջե»,-ասել է Զելենսկիի գրասենյակի ղեկավար Անդրեյ Յերմակը։
Նա մյուս ընկերություններին ևս կոչ է արել ճիշտ ընտրություն կատարել։
«Անհնար է աջակցել ռազմական հանցագործություններին, անթույլատրելի է առևտուր անել պատերազմական հանցագործների հետ և գումար աշխատել խաղաղ բնակիչների սպանության վրա»,- ասել է Յերմակը։
Հիշեցնենք՝ ռուսական զորքերի Ուկրաինա ներխուժումից հետո բազմաթիվ արտասահմանյան ընկերություններ դադարեցրել են իրենց գործունեությունը Ռուսաստանում։
Էմմա Չոբանյան
