15.11.2024 | 21:45
Բրիտանիայի խորհրդարանում Ադրբեջանում բռնաճնշումների և քաղբանտարկյալների խնդիրն է քննարկվել
Մինսկի խումբը կոչ է անում ԼՂ հակամարտության կողմերին ծանր հրետանին հետ քաշել առաջնագծից
23.04.2018 | 22:12
ԵԱՀԿ Մինսկի խմբի համանախագահները արցախյան հակամարտության կողմերին կոչ են արել առաջնագծից հեռու պահել ծանր զինտեխնիկան: Ավելի վաղ ՀՀ ԱԳ նախարարը դիմել էր ԵԱՀԿ ՄԽ-ին՝ Բաքվին զսպելու պահանջով:
«Տարածաշրջանում վերջին քաղաքական զարգացումների և շփման գծի երկայնքով էսկալացիայի հավանակության լույսի ներքո Լեռնային Ղարաբաղի հակամարտության հարցով ԵԱՀԿ Մինսկի Խմբի համանախագահները (Իգոր Պոպով՝ Ռուսաստան, Ստեֆան Վիսկոնտի Ֆրանիսա, և Էնդրոյւ Շոֆեր ԱՄՆ) ընդգծում են կողմերի՝ այս զգայուն ժամանակահատվածում հրադադարը հարգելու և, մասնավորապես, ծանր զինտեխնիկան առաջնագծից հեռու պահելու հույժ կարևորությունը:
Համանախագահները կոչ են անում կողմերին անհետաձգելի քայլեր անել ճնշումը թուլացնելու համար և անհամբեր սպասում են կողմերի հետ հնարավորինս շուտ հանդիպմանը՝ թարմացնելու ինտենսիվ բանակցությունները, հակամարտության խաղաղ և կայուն կարգավորում գտնելու համար»:
