06.10.2026 | 11:45
Ինչ են քննարկում Սասուն Միքայելյանը և Նարեկ Կարապետյանը վիճաբանության ժամանակ․ ՏԵՍԱՆՅՈՒԹ
Կառավարությունը կողմ է. պաշտոնյան պիտի ավելի մեծ տուգանք վճարի՝ հարցմանը պատշաճ չպատասխանելու համար․ ՏԵՍԱՆՅՈւԹ
Քաղաքականություն
25.03.2022 | 21:05
Մեծ տուգանք՝ տեղեկատվություն չտրամադրելու դեպքում․ Կառավարությունը երեկվա նիստում հավանության արժանացրեց նախագիծը, որով առաջարկվում է, որ պետական մարմինները լրատվամիջոցների կամ ՀԿ-ների հարցումներին օրենքով նախատեսված ժամկետներում և կարգով չպատասխանելու դեպքում ավելի մեծ չափով տուգանք կվճարեն։
Ի դեպ՝ նախագիծը չզեկուցվող հարցերի ցանկում էր։ Հատկանշական է, որ նախաձեռնողը ոչ թե ՀՀ Արդարադատության նախարարությունն է, այլ «Ինֆորմացիայի ազատության կենտրոն» հասարակական կազմակերպությունը։
Կենտրոնի ղեկավար Շուշան Դոյդոյանն արձանագրում է՝ երկար պայքարից հետո է հաջողվել հասնել Կառավարության դրական արձագանքին։ Խնդիրը լուծման կարիք ուներ տևական ժամանակ, քանի որ քաղաքացիներից, ՀԿ-ներից և լրագրողներից բազմիցս էին դժգոհություններ ստանում։
«Չեն պահպանում ժամկետները, երբեմն կարդում ես պատասխանը ու չես հասկանում՝ ինչի մասին է։ Հուսով եմ՝ արդեն պաշտոնյաների գրպանին լուրջ հարված կհասցվի և հաջորդ անգամ պատասխանն անհարկի հետաձգելուց առաջ յոթը կչափեն, հետո կկտրեն»,- ասում է նա։
«Սիվիլնեթ»-ի լրագրող Գևորգ Թոսունյանը մեկ անգամ չէ, որ բախվել է այս խնդրին, երբ պետական կառույցներն ուշացրել են հարցման պատասխանը կամ ընդհանրապես չեն պատասխանել։
Մանրամասները՝ տեսանյութում։
Մերի Մարտիրոսյան
