21.08.2026 | 10:46
Պապիկյանը ստուգայցերով բանակային դիրքերում է․ ՏԵՍԱՆՅՈՒԹ
ԵՄ-ն թույլ չի տա ռուսական գազի դիմաց վճարումներ կատարել ռուբլով. Եվրահանձնաժողովի նախագահ
Քաղաքականություն
25.03.2022 | 15:54
Եվրահանձնաժողովի նախագահ Ուրսուլա ֆոն դեր Լեյենը հայտարարել է, որ ԵՄ-ն թույլ չի տա ռուսական գազի դիմաց վճարումներ կատարել ռուբլով, հայտնում է Reuters-ը։
Պաշտոնյան այս տարբերակն անընդունելի է համարել, քանի որ, նրա կարծիքով, ռուբլով վճարումները կլինեն Եվրամիության կողմից սահմանված հակառուսական սահմանափակումների խախտում։
«Դա պատժամիջոցները շրջանցելու փորձ կլիներ, մենք թույլ չենք տա, որ մեր սահմանափակումները շրջանցվեն»,- ասել է ֆոն դեր Լեյենը։
Հիշեցնենք՝ մարտի 23-ին Ռուսաստանի նախագահ Վլադիմիր Պուտինը կառավարության անդամների հետ հանդիպման ժամանակ ասել էր, որ Մոսկվան «ոչ բարեկամ երկրներին» գազի մատակարարման համար վճարումները ընդունելու է ռուբլով, քանի որ անիմաստ է ռուսական ապրանքներ մատակարարել Եվրամիությանը և ԱՄՆ-ին և վճարը ստանալ արտարժույթով:
