04.03.2026 | 22:41
«Ամեն ինչ հանգիստ է, հույս ունենք՝ կթռչենք»․ ՀՀ քաղաքացիները սպասում են Մասկատ-Երևան չվերթին
Մենք բախվում ենք անվտանգության ամենալուրջ ճգնաժամին․ Ստոլտենբերգ
Քաղաքականություն
24.03.2022 | 16:10
ՆԱՏՕ-ի գլխավոր քարտուղար Յենս Ստոլտենբերգն Ուկրաինայում պատերազմը բնութագրել է որպես «անվտանգության ամենալուրջ ճգնաժամը բոլոր ժամանակներում», գրում է BBC-ն։
Ստոլտենբերգն ասել է, որ Ուկրաինայի նախագահ Վլադիմիր Զելենսկին ՆԱՏՕ-ի ղեկավարներին այսօր ուղերձով է դիմելու։ Նա շեշտել է՝ դաշինքի անդամները պետք է միասին հաղթահարեն ճգնաժամը։
«Դաշնակիցները պետք է ավելին անեն»,- ասել է Ստոլտենբերգը՝ հավելելով, որ ակնկալում է, որ ՆԱՏՕ-ի առաջնորդները կհամաձայնեն «արագացնել ներդրումները պաշտպանության ոլորտում»:
«Այսօրվա հանդիպումը ցուցադրում է Հյուսիսային Ամերիկայի ու Եվրոպայի կարևորությունը՝ դիմակայելու այս ճգնաժամին»,- ասել է ՆԱՏՕ-ի գլխավոր քարտուղարը։
Հավելենք, որ Բրյուսելում ընթանում է ՆԱՏՕ-ի անդամ պետությունների և կառավարությունների ղեկավարների արտահերթ գագաթնաժողովը։
Էմմա Չոբանյան
