22.11.2024 | 20:33
3 ոսկե, 3 արծաթե և 8 բրոնզե մեդալ՝ Երևանում անցկացված Զինվորականների ըմբշամարտի աշխարհի 37-րդ առաջնությունից
Կիևում գնդակոծության հետևանքով սպանվել է The Insider-ի լրագրողը
Քաղաքականություն
24.03.2022 | 14:46
Կիևում ռուսական գնդակոծության հետևանքով սպանվել է The Insider-ի լրագրող Օքսանա Բաուլինան, գրում է BBC-ի ռուսական ծառայությունը՝ հղում կատարելով թերթին։
«Նա նկարահանելիս է եղել ռուսական զորքերի կողմից Կիևի Պոդոլսկի թաղամասի հրետակոծությունից հետո ավերածությունները և ենթարկվել նոր հրթիռակոծության։ Նրա հետ մեկ խաղաղ բնակիչ է զոհվել, նրան ուղեկցող երկու հոգին վիրավորվել և հոսպիտալացվել են»,- գրում է The Insider–ը։
Օքսանա Բաուլինան նախկինում աշխատել է Ալեքսեյ Նավալնիի հակակոռուպցիոն հիմնադրամի հետ, որտեղ նա ստեղծել է Նավալնի LIVE ալիքը, համագործակցել է «Ազատություն» ռադիոկայանի և «Մեդիազոնա»-ի հետ:
Տաթև Ֆռանգյան
