06.10.2026 | 10:53
Հրմշտոց՝ ԱԺ-ում. անվտանգության աշխատակիցներին դահլիճ հրավիրեցին․ ՏԵՍԱՆՅՈՒԹ
8 ամիս այդ բանալիները առգրավվել էին․ Վարդևանյանը՝ դատական գործերի մակագրման համակարգի մասին․ ՏԵՍԱՆՅՈՒԹ
Քաղաքականություն
23.03.2022 | 13:42
«Հայաստան» խմբակցության պատգամավոր Արամ Վարդևանյանն ԱԺ ամբիոնից խոսեց դատական գործերի մակագրման համակարգի առգրավված բանալիները Դատական դեպարտամենտին վերադարձնելու շուրջ վերջին 10 օրվա ընթացքում ստեղծված թնջուկի մասին։
Նա նշեց, որ գլխավոր դատախազությունը 8 ամիս անց կարողացել էր ջանքեր գործադրել և այդ բանալիները, որպեսզի դատական գործերի մակագրումը ոչ թե ձեռքով լինի, այլ էլեկտրոնային եղանակով, վերադարձրել է Դատական դետապարտամենտին, սակայն Բարձրագույն դատական խորհուրդը ասում է՝ չի ստացել բանալիները։
«Դատախազությունը թուղթ է հրապարակում, որտեղ գրված է, որ Դատական դեպարտամենտը ստացել է, դրան հաջորդում է ԲԴԽ հայտարարությունը, որ միևնույնն է՝ չեն ստացել բանալիները։
Կարծում եմ՝ այս ամենը պայմանավորված էր մեկ հանգամանքով. այս ժամանակահատվածում կար մեծ կարևորություն շարունակելու ձեռքով մակագրումները։ Բայց այդ անհրաժեշտությունն այլևս սպառվեց և այսօր Դատական դեպարտամենտը հայտարարեց, որ գործելու է էլեկտրոնային մակագրման համակարգը»,- ասաց ընդդիմադիր պատգամավորը։
Նա հիշեցրեց, որ էլեկտրոնային մակագրման համակարգը դատական իշխանության անկախության կարևորագույն երաշխիքներից է։
«Բայց ժողովորդավարական բաստիոն Հայաստանում ութ ամիս այդ բանալիներն առգրավել էին։ 8 ամիս անց դատախազությունը կարողացավ վերադարձնել, բայց ոչ Բարձրագույն դատական խորհուրդը»,- ասաց Արամ Վարդևանյանը։
Մանրամասները՝ տեսանյութում:
