Քաղաքականություն
23.03.2022 | 13:50
Թուրքիան քննարկումներ չի վարում ԱՄՆ-ի կամ ՆԱՏՕ-ի ճնշմամբ C-400 համակարգերից հրաժարվելու շուրջ։ Այս մասին հայտնել է Թուրքիայի ռազմաարդյունաբերության վարչության պետ Իսմայիլ Դեմիրը Իզվեստիայի հետ զրույցում։
«Դա մեզ համար քննարկման առարկա չէ։ Այդ հարցը մենք քննարկել ենք նախկինում ու հիմա մենք ուղղակի շարունակում ենք համագործակցությունը ՌԴ-ի հետ։ Դրանից հրաժարումը նույնիսկ չի քննարկվել։ Թուրքիան ունակ է ինքնուրույն որոշել սեփական քաղաքականությունն ու ճանապարհը»,-ասել է Դեմիրը։
Նա նշել է,որ Թուրքիայի քաղաքականությունը խաղաղություն ապահովելն է։
«Ներկա իրավիճակում մենք, մեր առաջնորդները անում ենք հնարավորը, որ արյունահեղությունն ու հակամարտությունը Ուկրաինայում դադարեցնենք»,-ասել է Դեմիրը։
Հավելենք, որ Իսմայիլ Դեմիրը մի շարք այլ թուրք պաշտոնյաների հետ հայտնվել է պատժամիջոցների ցուցակում՝ Անկարայի կողմից ռուսական C-400 համակարգերի գնման պատճառով։
Հիշեցենենք, որ օրերս Պենտագոնը հայտարարել էր, որ Անակրայի հետ բանակցություններ է վարում Կիև C-400 համակարգեր ուղարկելու համար՝ փոխարենը Թուրքիային վերադարձնելով հինգերորդ սերնդի F-35 ծրագիր ու հանելով պատժամիջոցները։
Էմմա Չոբանյան
