08.02.2026 | 22:09
Չեխիայի իշխանությունները ցանկանում են երեխաներին արգելել օգտվել սոցիալական ցանցերից
Չինաստանի հարավում Boeing 737-ի կործանման վայրում ողջ մնացածներ չեն հայտնաբերվել
Քաղաքականություն
22.03.2022 | 19:10
Չինաստանի հարավում Boeing 737 մարդատար ինքնաթիռի կործանման վայրում փրկարարները դեռևս ողջ մնացածների չեն գտել։ Այս մասին հայտնել է Չինաստանի քաղաքացիական ավիացիայի վարչության ներկայացուցիչ Չժու Տաոն, գրում է ՌԻԱ Նովոստին։
«Օդանավում եղել է 123 ուղևոր, որոնց թվում օտարերկրյա քաղաքացիներ չկան, և անձնակազմի 9 անդամներ՝ երեք օդաչու, հինգ բորտուղեկցորդուհի, մեկ անվտանգության աշխատակից»,- ասել է նա մամուլի ասուլիսի ժամանակ։
Ինքնաթիռը, որն իրականացնում էր MU5735 չվերթը, օդ է բարձրացել Յունան նահանգի Կունմին քաղաքի Չանգշույ օդանավակայանից տեղական ժամանակով 13:16-ին: Ժամը 14:17-ին նա մտել է Գուանչժոուի հսկողության տարածք՝ պահպանելով նավարկության բարձրությունը 8,9 կիլոմետր։ Ժամը 14:20-ին ինքնաթիռի բարձրությունը կտրուկ իջել է։ Ժամը 14:23-ին ինքնաթիռն անհետացել է ռադարներից։
Մինչ կործանումը Boeing 737-ը կատարել է 8,986 չվերթ, ընդհանուր թռիչքի տևողությունը 18,239 ժամ է, հայտնում է գործակալությունը։
Տաթև Ֆռանգյան
