Քաղաքականություն
22.03.2022 | 11:05Ազգային ժողովի այսօրվա նիստի օրակարգում ընդգրկվել է նաև Արցախում ստեղծված իրավիճակի մասին հրատապ հարցի քննարկումը։ Այս մասին ԱԺ նիստին հայտարարեց ԱԺ փոխնախագահ Ռուբեն Ռուբիյանը:
Նա նաև տեղեկացրեց, որ արտգործնախարար Արարատ Միրզոյանը և փոխվարչապետ Մհեր Գրիգորյանը ներկա կլինեն այդ նիստին: ՔՊ-ն առաջարկեց, որ Արցախի հարցով նիստն անցկացվի դռնփակ։
«Հայաստան» խմբակցության պատգամավոր Գեղամ Մանուկյանը նշեց. «Հասկանում եմ, որ կան հարցեր, որ պետք է փակ նիստով քննարկվեն, բայց նաև ԱԺ նախագահությանը խնդրում-պահանջում եմ նույն նախանձախնդրությամբ արգելել քաղաքական մեծամասնության այն արտահայտությունները, որոնք վիրավորում են Արցախին, արցախցուն: Նախկինում զինվորական համարվող անձինք այս դահլիճում խայտառակ արտահայտություններ են անում արցախցիների հասցեին»:
Մանրամասները՝ տեսանյութում:
