17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Շուշիում բարձրացվել է ՄԱԿ-ի դրոշը․ հայկական քաղաքում տեղի է ունեցել միջոցառում՝ նվիրված Ադրբեջան-ՄԱԿ գործակցության 30-ամյակին
Քաղաքականություն
18.03.2022 | 19:06
Արցախի գրավյալ հայկական Շուշի քաղաքում այսօր տեղի է ունեցել միջոցառում՝ նվիրված Ադրբեջանի ու ՄԱԿ-ի միջև համագործակցության 30-ամյակին։ Ադրբեջանական լրատվամիջոցների հաղորդմամբ ՝ միջացառմանը մասնակցել են Ադրբեջանի պետական պաշտոնյաները, այդ թվում՝ ԱԳ նախարար Ջեյհուն Բայրամովը, նախագահի արտաքին քաղաքական հարցերով օգնական Հիքմեթ Հաջիևը և այլք, որոնք հանդես են եկել նաև ելույթներով։ Միջոցառմանը մասնակցել են նաև Բաքվում ՄԱԿ-ի մշտական համակարգողն ու կազմակերպության գործակալությունների ղեկավարները։
Մասնավորապես, իր ելույթում Ադրբեջանում ՄԱԿ-ի մշտական համակարգող Վլադենկա Անդրեևան ասել է, որ ՄԱԿ-ի կառույցները Բաքվին աջակցություն են ցուցաբերելու Արցախի գրավյալ տարածքների վերականգնման ու ականազերծման գործում։
Նշենք՝ միջոցառման շրջանակում Շուշիում, որի հայ բնակչությունը ենթարկվել է էթնիկ զտման, նաև բարձրացվել է ՄԱԿ-ի դրոշը։ Բացի այդ տեղի է ունեցել Ադրբեջանի և ՄԱԿ-ի միջև գործընկերության 30-ամյակին նվիրված փոստային նամականիշի շնորհանդեսը։
Էմմա Չոբանյան
