13.05.2026 | 14:12
Երևանում կասեցվել է «Պիցցա Տաշիր»-ի սննդի կետերից մեկի արտադրական գործունեությունը
«Պատրանք է ստեղծվում, թե մենք չենք պարտվել, դա վտանգավոր է». ապոլիտիկ զրույց Դավիթ Անանյանի հետ․ ՏԵՍԱՆՅՈՒԹ
Քաղաքականություն
19.03.2022 | 21:00
Factor TV-ի A-politic հաղորդաշարի հյուրն է «DSA» խորհրդատվական ընկերության տնօրեն, ՊԵԿ նախկին նախագահ Դավիթ Անանյանը: Նրա կարծիքով՝ մինչև այս տարվա փետրվարը չի հաջողվել Հայաստանի տնտեսության մեջ կառուցվածքային փոփոխություններ իրականացնել, տնտեսական աճն ապահովվել է գրեթե բացառապես ծառայությունների և առևտրի սպառման շնորհիվ: Ռուս-ուկրաինական պատերազմով պայմանավորված՝ խնդիրներն ավելի են խորանալու՝ Ռուսաստանի դեմ պատժամիջոցների և այդ երկրից տրանսֆերտների փաստացի կրճատման հետևանքով:
Պատերազմում պարտությունից հետո շատ երկրներում բարեփոխումներ են անցկացվել: Բայց, ըստ տնտեսագետի, դրանց հաջողության համար անհրաժեշտ է նախ՝ ընդունել պարտությունը, իսկ հետո սառնասրտորեն, առանց իրար մեղադրելու վերլուծել դրա պատճառները, մեր կատարած սխալները: Դա պետք է անեն թե՛ քաղաքական իշխանությունը, թե՛ հասարակությունը:
Տնտեսական և քաղաքական բարեփոխումների համար, Դավիթ Անանյանի կարծիքով, անհրաժեշտ է փոխադարձ վստահություն ոչ միայն հորիզոնական չափումով՝ հասարակության անդամների, բիզնեսի ներկայացուցիչների, այլև ուղղահայաց՝ հասարակության և պետական ինստիտուտների միջև:
Մեր զրուցակցի համոզմամբ՝ Հայաստանի ապագան պայմանավորված է, մասնավորապես, նրանով, թե որքանով մենք արտաքին քաղաքականության խողովակներով կկարողանանք մի կողմից՝ արևմտյան գործընկերներին համոզել, որ չենք պատրաստվում որևէ կերպ շրջանցել Ռուսաստանի դեմ սահմանված պատժամիջոցները, մյուս կողմից՝ օգտվենք ԵՏՄ-ում ապրանքների ազատ տեղաշարժից:
Մանրամասները՝ տեսանյութում:
