10.10.2026 | 18:18
ԶՈՒ ԳՇ պետն այցելել է մի շարք զորամասեր
Բաքվում անհանգստացած են ուկրաինական պատերազմի ֆոնին ՏՏ ոլորտի մասնագետների՝ Հայաստան տեղափոխվելու կապակցությամբ
Քաղաքականություն
18.03.2022 | 15:04
Ադրբեջանում անհանգստացած են, որ Ուկրաինայում պատերազմի ֆոնին ՌԴ-ի ՏՏ ոլորտի մասնագետները տեղափոխվում են Հայաստան՝ դրանում վտանգ տեսնելով Բաքվի համար։
Մասնավորապես, Ադրբեջանի ինտերնետ ֆորումի նախագահ Օսման Գյունդուզը հայտարարել է, որ «մոտ մեկ միլիոն ՏՏ ոլորտի մասնագետներ մտածում են միգրացիայի մասին՝ ռուս-ուկրաինական առճակատման պատճառով և պետք է նրանց բերել Ադրբեջան»։
«Ռուսաստանում կա ավելի քան 600,000, Ուկրաինայում՝ 250,000, իսկ Բելառուսում՝ 70,000 ՏՏ ոլորտի մասնագետ։ Ներկայում նրանք միգրացիայի պայմաններ են փնտրում։ Մեր ունեցած տվյալներով՝ ավելի հաճախ գնում են Հայաստան, Վրաստան։ Հայաստանում մարդկանց գործունեությունը, որոնք բավական գիտելիքներ ու հմտություններ ունեն, մեզ համար ապագայում կարող է սպառնալիք դառնալ։ Այդ մասնագետները վաղուց արդեն աշխատում են միջազգային կազմակերպությունների հետ։ Վերջին ժամանակում ՏՏ ոլորտի համաշխարհային ընկերությունների տարածաշրջանային կենտրոնը դարձել է Մոսկվան։ Ինչ՞ կլինի հետագայում։ Կարծում եմ՝ մենք պետք է օգտվենք ստեղծված իրավիճակից՝ հանուն մեր ազգային շահերի»,- ասել է Գյունդուզը։
Էմմա Չոբանյան
