20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
ՊՍԺ-Արսենալ խաղից հետո մեքենան վրաերթի է ենթարկել փարիզյան ակումբի երկրպագուներին
Քաղաքականություն
08.05.2025 | 12:08
Ֆրանսիայի մայրաքաղաք Փարիզում մի խումբ երիտասարդներ մեքենա են այրել այն բանից հետո, երբ այն մխրճվել է երկրպագուների մեջ, որոնք տոնում էին «Պարի Սեն Ժերմենի» (ՊՍԺ)՝ Չեմպիոնների լիգայի կիսաեզրափակիչում լոնդոնյան «Արսենալի» նկատմամբ տարած հաղթանակը, գրում է The Standard-ը:
ՊՍԺ-ի մարզաշապիկներով և գլխարկներով ֆրանսիացի երիտասարդները նկատվել են նաև Ելիսեյան դաշտերում և մոտակա փողոցներում ոստիկանության հետ բախումներում։
«Մինչ այժմ ամենավատ միջադեպը կապված է եղել մեքենայի հետ, որը, ըստ երևույթին, մխրճվել է ՊՍԺ-ի երկրպագուների խմբի մեջ»,- ասել է տեղի ոստիկանության աղբյուրը։
Նշվում է, որ առնվազն երեք երկրպագու վիրավորվել է, որոնցից մեկը ծանր վիճակում է, իսկ մնացածը փախուստի են դիմել։ Այնուհետև երկրպագուները հետապնդել են մեքենան և այրել այն։ Աղբյուրի խոսքով՝ դեռևս պարզ չէ, թե ով է վարել մեքենան, քանի որ ներսում գտնվողները փախուստի են դիմել։
Ֆրանսիայի մայրաքաղաքի փողոցներում լրացուցիչ 2000 ոստիկաններ և ժանդարմներ են տեղակայվել՝ բռնությունից խուսափելու համար։
Ֆրանսիական լրատվամիջոցները գրում են, որ տոնակատարության ժամանակ երկրպագուները վնասել են մի քանի խանութ և մեքենաներ, իսկ ոստիկանությունը ստիպված է եղել օգտագործել հատուկ միջոցներ՝ ագրեսիա ցուցաբերող մարդկանց խմբերը ցրելու համար։ Ընդհանուր առմամբ, ձերբակալվել է 43 մարդ։
Թարգմանությունը՝ Էմմա Չոբանյանի
