20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Շուշիում նշելու են Ադրբեջանի և ՄԱԿ-ի համագործակցության 30-ամյակը․ Բաքվում ՄԱԿ-ի ներկայացուցիչները մեկնել են գրավյալ Շուշի․ ԼՈՒՍԱՆԿԱՐՆԵՐ
Քաղաքականություն
18.03.2022 | 13:19
Արցախի գրավյալ Շուշի քաղաքում այսօր տեղի է ունենալու Ադրբեջանի և ՄԱԿ-ի համագործակցության 30 ամյակին նվիրված միջոցառում, գրում են ադրբեջանական լրատվամիջոցները։
Միջոցառմանը մասնակցելու են Ադրբեջանի բարձրաստիճան պաշտոնատար անձինք, երկրում ՄԱԿ-ի մշտական համակարգողը, կազմակերպության գործակալությունների ղեկավարները։ Հանդիպման հիմնական նպատակն է ստեղծել բարենպաստ հարթակ՝ վերանայելու Ադրբեջանի և ՄԱԿ-ի միջև գործընկերությունը կայուն զարգացման նպատակների ուղղությամբ, քննարկել Ադրբեջանի նոր առաջնահերթությունները և հնարավորությունները հետհամաճարակային և հետկոնֆլիկտային իրողություններում։
Նշվում է, որ միջոցառման մասնակիցները ժամանել են Վարանդայի օդանավակայան, որտեղից էլ գնալու են հայկական Շուշի։
«Մենք «Խանքենդի» կոչվող ինքնաթիռով թռչում ենք Ֆիզուլիի օդանավակայան, որպեսզի այցելենք Շուշի Ադրբեջանում հավատարմագրված ՄԱԿ-ի ընտանիքի հետ։ ՄԱԿ-ին Ադրբեջանի անդամակցության 30-ամյակը կնշվի Շուշիում՝ ՄԱԿ-ի ինստիտուտների հետ համատեղ։ ՄԱԿ-ի դրոշը ծածանվելու է Շուշիում»,- թվիթերյան իր էջում գրել է Ադրբեջանի նախագահի օգնական Հիքմեթ Հաջիևը։
Էմմա Չոբանյան
