17.01.2026 | 14:59
Ռուսաստանն ու Ուկրաինան համաձայնել են լոկալ հրադադարի
Պարեկային ծառայողների համար նախատեսված 140 մեքենաներից 40-ը արդեն Երևանում է. Արա Ֆիդանյան․ ՏԵՍԱՆՅՈՒԹ
Հասարակություն
18.03.2022 | 12:35
«Ոստիկանությունում իրականացվում են բարեփոխումներ, արդեն իսկ դրական ձեռքբերումներ կան»,- այս մասին այսօր հրավիրված ասուլիսում նշեց ՀՀ փոխոստիկանապետ Արա Ֆիդանյանը:
Փոխոստիկանապետի խոսքով՝ 2021թ. հուլիսի 7-ին Պարեկային ծառայության և Երևան քաղաքի ստորաբաժանման հաջող գործարկումից հետո ծառայության ներդրման շարունակականությունն ապահովելու նպատակով նախատեսվում է 2022թ. ապրիլին Պարեկային ծառայության ստորաբաժանումներ գործարկել Լոռու և Շիրակի մարզերում: Ոստիկանության կրթահամալիրում հնգամսյա ուսուցում է իրականացվում 549 թեկնածուների համար:
«Ընթացքում է պարեկային ավտոմեքենաների, ռադիոկապի համակարգի, զենքի և տեխնիկական այլ միջոցների ձեռքբերման գործընթացը: Պարեկային ծառայության համար նախատեսված 140 ավոտոտրանսպորտային միջոցներից 40-ն արդեն իսկ Երևանում է, 40-ն էլ մոտ ժամանակներում տեղ կհասնի»,- նշեց Ֆիդանյանը:
Փոխոստիկանապետը հավելեց, որ հաջորդիվ պարեկային ստորաբաժանումներ կձևավորվեն Կոտայքի, Գերարքունիքի, Տավուշի, Արագածոտնի մարզերում:
Մանրամասները՝ տեսանյութում:
