16.06.2026 | 00:58
ԱԱ-2026․ Բելգիան խուսափեց պարտությունից Եգիպտոսի դեմ խաղում․ ՏԵՍԱՆՅՈՒԹ
Նիկոլայ Բաղդասարյանին թույլ չեն տալիս մտնել ՀՔԾ՝ ստանձնելու Նիկոլ Փաշինյանի պաշտպանությունը
Հասարակություն
22.04.2018 | 21:30
Փաստաբան Նիկոլայ Բաղդասարյանը ֆեյսբուքի իր էջում տեսանյութ է հրապարակել, որում ասում է, որ ինքը գտնվում է ՀՔԾ շենքի դիմաց և իրեն արդեն բավականին ժամանակ է թույլ չեն տալիս մտնել ներս և հանձնել Նիկոլ Փաշինյանի շահերի պաշտպանության համար նախատեսված դիմումը։
Նրա խոսքով, քննչական խմբի ղեկավարը հեռախոսազրույցի ընթացքում ասել է, որ կարող է գալ և առանց խոչընդների հանձնել դիմումը, սակայն դռները փակ են եղել։
Փաստաբանն իր խոսքում նաև նշեց, որ ինքը անձամբ զանգահարել և տեղեկացրել է քննչական խմբի ղեկավարին՝ տիրող իրավիճակի մասին։
Վերջինս պատասխանել է, որ ինքը զբաղված է և ավելացրել, որ կզանգահարի ավելի ուշ։ Նիկոլայ Բաղդասարյանն ասաց, որ կփորձի նաև էլեկտրոնային տարբերակով ուղարկել համապատասխան փաստաթղթերը։
