23.04.2026 | 20:36
Ուղեվարձ վճարելու պահանջը՝ բռնության պատճառ․ երբ վարորդը դառնում է հսկիչ. ՏԵՍԱՆՅՈՒԹ
Ռուսաստանը հրաժարվում է կատարել ՄԱԿ-ի միջազգային դատարանի պահանջը՝ դադարեցնել պատերազմն Ուկրաինայում
Քաղաքականություն
17.03.2022 | 16:41
Ռուսաստանը հրաժարվում է կատարել ՄԱԿ-ի միջազգային քրեական դատարանի պահանջը՝ դադարեցնել պատերազմն Ուկրաինայում։ Դատարանի որոշումը մեկնաբանել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Մենք չենք կարող այս որոշումը հաշվի առնել, Արդարադատության միջազգային դատարանն ունի «կողմերի համաձայնություն» հասկացությունը, այստեղ համաձայնություն չի կարող լինել։ Այս դեպքում սա մի բան է, որը մենք չենք կարող հաշվի առնել»,- հայտարարել է նա։
Հիշեցնենք՝ Ուկրաինայի պատվիրակությունը դիմել էր Արդարադատության միջազգային դատարան՝ խնդրելով գործով կիրառել հետևյալ կանխարգելիչ միջոցները՝ արյունահեղությունը դադարեցնելու համար.
-Ռուսաստանի Դաշնությունը պետք է անհապաղ դադարեցնի ռազմական գործողությունները, որոնք սկսվել են 2022 թվականի փետրվարի 24-ին Ուկրաինայի տարածքում,
-Ռուսաստանի Դաշնությունը պետք է անհապաղ ապահովի, որ իր վերահսկողության կամ ազդեցության տակ գտնվող ցանկացած ռազմական և այլ զինված ստորաբաժանում դադարեցնի մասնակցությունը ռազմական գործողություններին:
Տաթև Ֆռանգյան
