ՌԴ-ն Ձեզ և ձեր ընկերություններն օգտագործում է՝ պատերազմը ֆինանսավորելու համար․ Զելենսկին՝ Շոլցին․ ՏԵՍԱՆՅՈՒԹ

Ուկրաինայի նախագահ Վլադիմիր Զելենսկին ելույթ է ունեցել Գերմանիայի խորհրդարանում՝ երկրի կանցլեր Օլաֆ Շոլցին կոչ անելով օգնել՝ կանգնեցնել Ռուսաստանի սանձազերծած պատերազմը, գրում է korrespondent-ը։

«Ինչո՞ւ օվկիանոսից այն կողմ գտնվող երկրները մեզ ավելի մոտ եղան, քան դուք: Որովհետև սա պատ է, որն ինչ-որ մեկը չի նկատում, բայց որին մենք զարնվում ենք, մինչ կռվում ենք մեր ժողովրդին փրկելու համար: Կանցլեր Շոլց, քանդի՛ր այդ պատը, տվե՛ք Գերմանիային արժանի առաջնորդություն, օգնեք մեզ՝ դադարեցնել պատերազմը»,- հայտարարել է Զելենսկին։

Ուկրաինայի նախագահը նաև ասել է, որ Ռուսաստանի դեմ բազմաթիվ պատժամիջոցներ շատ ուշ են կիրառվել՝ պատերազմը դադարեցնելու համար․ «Ես դիմում եմ Ձեզ բազմաթիվ հանդիպումներից, հայտարարություններից ու խնդրանքներից հետո, քայլերից հետո, որոնցից շատերը շատ ուշ էին, պատժամիջոցներից հետո, որոնք շատ քիչ էին պատերազմը դադարեցնելու համար»։

Նա ընդգծել է, որ երբ Կիևը զգուշացրել է Բեռլինին, որ «Հյուսիսային հոսք 2» գազատարը քաղաքական զենք է, ի պատասխան լսել է, որ դա ընդամենը տնտեսական նախագիծ է։

«Այն բանից հետո, ինչ մենք տեսանք, որ ձեր ընկերությունների հետ կապ ունեցող կազմակերպությունները մնացել են Ռուսաստանում, պետության հետ, որը Ձեզ և ձեր ընկերությունները պարզապես օգտագործում է՝ պատերազմը ֆինանսավորելու համար, դուք նորից պատի հետո եք՝ ո՛չ բեռլինյան, այլ ազատության ու անազատության պատի։ Երբ մենք ասում էինք, որ «Հյուսիսային հոսք 2»-ը զենք է, մեծ պատերազմի նախապատրաստում, ի պատասխան լսեցինք, որ դա տնտեսություն է, տնտեսություն, տնտեսություն․․․ Դա նոր պատերազմի համար ցեմենտ էր։ Երբ մենք հարցնում էինք, ինչ պետք է անի Ուկրաինան, որպեսզի դառնա ՆԱՏՕ-ի անդամ, որպեսզի անվտանգ լինի, մեզ ասում էին, որ նման որոշում սեղանին դեռևս չկա»,- հայտարարել է Զելենսկին։

Մանրամասները՝ տեսանյութում։

Տաթև Ֆռանգյան