10.07.2026 | 10:56
Ուկրաինական ԱԹՍ-ների հարվածներից ՌԴ-ում նավթավերամշակման գործարան և նավթաբազաներ են հրդեհվել
«Համար մեկ պաշտոնյան, որ պատասխանատու է այս իրավիճակի համար, Սերժ Սարգսյանն է»․ Անդրանիկ Քոչարյան. ՏԵՍԱՆՅՈՒԹ
Քաղաքականություն
22.04.2018 | 21:33
Ներքին գործերի և պաշտպանության նախկին փոխնախարար Անդրանիկ Քոչարյանը Factor-ի հետ զրույցում անդրադառնալով Սերժ Սարգսյան-Նիկոլ Փաշինյան տապալված բանակցություններին՝ տարակուսանք հայտնեց, որ Սարգսյանը Փաշինյանին է մեղադրում Մարտի 1-ից դասեր չքաղելու համար։
«Մարտի 1-ի դասերն առաջին հերթին պետք է քաղեր իշխանությունը, որովհետև համար մեկ պատասխանատուն իշխանությունն է եղել, և պատասխանատուների մեջ որպես նաև 2-րդ պաշտոնյա եղել է նաև Սերժ Սարգսյանը։ Այնպես որ այստեղ Նիկոլ Փաշինյանին որևէ բան ի ցույց դնելու խնդիր չկար»,- ասաց Քոչարյանը։
Նա համարում է, որ համար մեկ պաշտոնյան, որ պատասխանատու է ներկա իրավիճակի համար, Սերժ Սարգսյանն է, քանի որ Մարտի 1-ի մասին նրա հիշեցումից հետո ոստիկանությունն անցավ բիրտ գործողությունների ու ձերբակալվեցին շարժման ղեկավար Նիկոլ Փաշինյանն ու մյուսները:
«Դա առևանգում էր, Նիկոլ Փաշինյանին առևանգել են»,- ասաց Քոչարյանը՝ հավելելով, ժողովուրդը պետք է տեր կանգնի իր իրավունքներին, քանի որ «ըստ էության, իշխանությունը սկսեց Մարտի 1-ի նմանատիպ գործողությունների շարք»։
Մանրամասները դիտեք տեսանյութում։
Մարինե Խառատյան
